Page 12 - MIN ON 2 MARCH 2016

Mucha su so ta warda Mami/papi, unda bo ta?

on: March 01, 2016In: LocalNo Comments
Print Email

Ora cu scol caba, normalmente bo ta wak un batayon di mucha ta bin sinta warda nan mayor, sea
mama of tata, wela of welo, of cualkier otro persona cu ta busk’e pa e bay cas. Pero tin biaha esun
cu ta yama mas e atencion ta e ultimo mucha cu ta keda ultimo ta warda y dado momento ta
desespera pasobra segun e “nan a lubidami (atrobe)”. Esey ta loke un colaborador di nos a nota
durante cu e tabata riba caya haciendo reportahe, ora cu el a nota un hobencita, su so sinta bao di
mata, net dilanti di Colegio Felipe B., sinta su so, ta warda riba esun cu tin cu bin buske. Shonnan,
ban ta serio.

Nos no mester lubida cu ni algun siman pasa, un memo a keda circula na varios scol na Playa cu tin
hendenan straño ta core rond y ta cana wak muchanan chikito, sin conta cu den bario di Noord tin
un persona demente, conocido di polis, di nomber Dyron, cu ta cana haci fastioso, bati na cas di
hende y ta molestia tambe muchanan di scol den bisindario. no ta mucho leu di caminda cu e
persona aki ta biba. Como mayor responsabel, uno mester ta pendiente di e yiu. Pa con fastioso cu
e por ta pa sali for di trabao, bo tin e obligacion pa busca e mucha na scol y hib’e caminda cu e por
haya su cuminda cayente, sosega, hunga y haci su huiswerk.

Y pa bisa “ay m’a lubida”, no ta un excusa pa hustifica e rato incomodo cu e mucha ta pasa aden,
anto su so. Pa e mayornan cu a “lubida” of “gaña lubida”, kico lo bo pensa si algo mester a pasa cu
e hobencita aki. E no por grita auxilio y pio ainda, si e no tin un celular, aunke esunnan chimbo, pa e