Page 6 - MIN ON 2 MARCH 2016

Aplicacion pa Arubalening 2016-2017

Tuesday, 01 March 2016 14:37
Comparti

Departamento di Enseñansa Aruba (DEA) ta recorda studiantenan cu dia 7 di maart ta ultimo dia pa
aplica pa e prestamo di estudio Arubalening pa aña academico 2016-2017. Land Aruba ta brinda
studiantenan cu kier sigui cu nan estudio na Aruba of den exterior un prestamo pa estudio. E prestamo
aki yama Arubalening. Intencion di e Arubalening ta pa facilita studiantenan den gastonan di nan
estudio.

Productonan di Arubalening Un studiante di Aruba por bin na remarca pa e siguiente productonan: 
Arubalening pa studia na EPI  Arubalening pa studia na Instituto Pedagogico Arubano (IPA) 
Arubalening pa studia na Universidad di Aruba (UA)  Arubalening pa studia na Hulanda  Arubalening
pa studia na Merca / Canada  Arubalening pa studia na ‘Andere Landen’  Arubalening Master
Componentenan di Arubalening E productonan di Arubalening ta consisti di dos componente: 
Startpakket, pa facilita gastonan inicial di estudio  Termijnuitbetaling, pa facilita gastonan durante e
trayecto di estudio Mas informacion di e producto- y componentenan di Arubalening, incluyendo e
sumanan di prestamo ta obtenibel riba website Enseñansa Aruba | ea.aw. E formularionan di aplicacion
pa e prestamo di estudio Arubalening pa aña academico 2016-2017 tambe ta obtenibel riba dicho
website. Pa aplica pa Arubalening mester yena, print y firma e formulario y entrega esaki hunto cu demas
documentonan rekeri na Departamento di Enseñansa, seccion Studiefaciliteiten (edificio Codemsa /
Aruba Airlines na Cumana).

Deadline pa haci entrega di e aplicacion ta dia 7 maart 2016. Studiefaciliteiten en -begeleiding ta e
seccion encarga cu administracion y servicio relaciona cu e prestamo pa estudio. E periodo di evaluacion
di e aplicacion pa Arubalening ta aproximadamente 3 luna. Via email lo informa e aplicante. Despues di
dia 7 maart 2016 e studiante por haci entrega di un aplicacion, sinembargo e ora no por garantisa un
evaluacion dentro di e termino di 3 luna. Pa mas informacion y e formularionan necesario por acudi na e
website www.ea.aw y busca Arubalening (bou letter A) den e alfabet menu. Banda di acudi regularmente
na nos website ta sugeri studiantenan tambe pa conecta cu Departamento di Enseñansa Aruba riba
Facebook (facebook.com/educationaruba) pa keda na altura di tur informacion.

http://www.24ora.com/local-mainmenu-5/105856-aplicacion-pa-arubalening-2016-2017