Page 11 - bon-dia-aruba-20220104

A11
hende Diamars 4 Januari 2022

Aruba Leo Club hunto cu e miembronan di Aruba One Happy Island Lions

Club a haci 50 mucha rond Aruba contento

Recientemente e hobennan di Delta Aruba Leo Club
hunto cu e miembronan di Aruba One Happy Island
Lions Club a organisa un fiesta pa alrededor di 50 mu-
cha di tur rond di Aruba.

E fiesta aki a tuma luga na DC9 Zone Air Aruba na Santa
Cruz. E muchanan a haya un recorido den e cas monumental
cu tur su artefactonan di antaño, tambe nan a haya recorido
den e avion di Air Aruba, tabata tin contamento di storia, nan
a hunga den dinojump, tur mucha a haya snacks y coy bebe
y na final cada un haya un regalito bou kerstboom. Sigur un
atardi masha placentero unda e muchanan a gosa un mundo.
Directiva y miembresia di Delta Aruba Leo Club y Aruba
One Happy Island Lions Club kier a gradici Sr. Dennis y Sra.
Dientje Hassell pa pone nan cas y avion disponibel pa e even-
to aki. Tambe kier a gradici Sr. Sergio Winterdal cu a coopera
tambe durante e atardi aki door di conta storia pa e muchanan
pero cu tambe durante henter aña a coopera cu nos clubnan
pa cu nos proyectonan.
Danki na un y tur cu a coopera cu nos clubnan durante henter
aña 2021. Nos ta conta cu boso apoyo durante 2022 atrobe.