Page 20 - KPA 12 JUNE 2017

Suceso
NOTICIA DI POLIS:

PERSONA GRANDI

MALTRATA PA UN HOBEN

2 MINS
POST VIEWS: 20ORANJESTAD, Aruba

Central ta manda patruya diaranson na Mido, pa un pelea. Ora cu polis a jega, esnan cu a busca
problema no tabata mas na e sitio. E victima, di 63 aña a bisa polis cu tabatin dos hoben cu kier a

cumpra cos di bebe na e bar, pero no kier a paga pa nan. E victima a bisa cu el a bay atende cu nan pa
nan paga loke a pidi. Polis por a mira cu e homber tabata tin herida na su brasa drechi, elleboog y
cabes. E victima no tabata kier a haya ambulance na e sitio. A avisa e victima pa pasa na recherche

pa duna keho di maltrato. E bartender a laga polis mira e imagennan di e pelea. Un di e hobennan a
wordo reconoci cu e nomber G. Tambe e auto cu e dos hobenan tabatin cu nan. Un testigo a coi
number di e auto y ta duna esaki na polis. Na caminda pa warda, a dicidi di patruya den Caya Betico

Croes, caminda cu por a mira un auto di e mesun modelo ta para na un otro negoshi. Na altura di un
cas na Hooiberg, polis a topa cu e auto cu a wordo describi den e imagennan di camara. E number
tabata cuadra cu esun di e testigo. E yabi tabata den contact, motor cendi y e porta di e chauffeur

tabata habri. Un hoben tabata cuadra cu e descripcion di e imagennan di camara. Polis a cana bay na
e auto y atende riba loke a pasa na Mido Restaurant. E sospechoso K. a wordo hiba pa warda na
Santa Cruz, unda cu el a keda presenta dilanti di Fiscal Auxiliar y encarcela pa mas investigacion y

interogacion. Pa 8’or di anochi ma of menos, e victima a wordo atendi y trata medicamente pa
personal di ambulance. Tambe recherche na warda a wordo poni na altura y a bin na e sitio.

Suceso