Page 11 - SOGA FLIP 1 AUG 2017

SOGA orguyoso di ta parti di e proyecto
di mas grandi na Aruba di e ultimo
añanan

 Featured
 Local
- 31/07/2017

Diahuebs atardi, den e entrada di e edificio nobo di Hospital, a tuma lugar entrega di yabinan di edificio di e Hospital nobo, e asina yama “New
Bed Tower”, incluyendo entrega di e Central Energy Plant y di un Magazijn Central nobo.Tabata un atardi hopi exitoso, compaña pa partner y
invitadonan special. E proyecto di renobacion y expansion di e edificio di hospital a inicia na aña 2011 y na final di e proyecto aki, nos lo tin un di
e mihor hospital den Caribe.
Tur presente a brinda p’e logro aki y tabata contento cu por a entrega un parti di e proyecto, considera como e proyecto di infrastructura di
mas grandi na Aruba di e ultimo añanan.
Stichting Onroerend Goed Aruba (SOGA) a firma e acuerdo y a entrega e yabinan na Minister di Salud Publico, Cuido di Nos Grandinan y
Deporte, dr. Carlos “Alex” Schwengle.
Presidente di SOGA, John Hodgson a indica cu tur hende tabata contento pa cu esaki. E hospital nobo di Aruba sin duda lo t’esun di mas bunita
den region y mas aleu cu e region.
“Como Arubiano nos tur mester ta contento cu esey, pasobra ami ta hopi contento di e manera e construccion ta bayendo”, John Hodgson a
expresa contento.
Na aña 2011, SOGA a sera contracto cu e arkitecto, Bermello Ajamil & Partners, cu a diseña e hospital despues cu e compania a reuni
continuamente cu e staf di hospital y cu representantenan di Gobierno, unda cu hunto a yega n’e plannan final.
Despues cu a firma e contract cu e contratista, den luna di november 2014 a cuminsa cu construccion di e ‘Medical Office Building‘, e ‘Central
Energy Plan’, e Magazijn nobo y e ‘New Bed Tower’.
A traha e edificionan ariba menciona den e casi 3 añanan di construccion. A entrega e Medical Office Building na december 2016 y awor ta den
e etapa cu Hospital lo ocupa e edificio nobo di “ New Bed Tower”.
Tur sistema ta poni na nan lugar, ta instalando tur ekipo medico, a instala tur sistema electrico y mecanico pe edificio nobo di New Bed Tower.
Hospital lo drenta den e New Bed Tower den e proximo 30 pa 60 dianan asina cu Hospital caba cu nan trabou, Bernard Horovitz e ingeniero di
Bermello, Ajamil & Partners a expresa.