Page 2 - KPA MARCH 15th,2016
P. 2
Chofer di dienstwagen coriendo cu velocidad
halto a perde control den bocht bay dal riba auto
contrario
16 HORA PASA , 14 DI MAART 2016 17:31
SECCION: INCIDENTE
Dialuna atardi a drenta informe di un accidente cu hende herida na e bocht banda di Dennis
Snack bar na Hooiberg, mesora a dirigi tanto polis como ambulans na e sitio. Na yegada di e
patruya a bin compronde cu aki ta trata di un accidente unda cu e chofer di e dienstwagen
bayendo direccion Pavia cu velocidad halto a perde control den e bocht y a bay dal frontal riba
e auto di direccion contrario. Den e auto di direccion contrario un dama cu recien tabata tin un
intervencion medico y tambe un mucha a resulta herida. Na yegada di e ambulans nan a
atende e victimanan.
