Page 44 - KPA 11nov,2015

Chauffeur y su pasahero a cay den man di Warda Nos Costa

Publication: Wednesday, 11 November 2015. Categoria: Policial

ORANJESTAD (AAN): Tur parti mundo ora polis tene control ta pa “captura” esnan cu ta viola
leynan vigente. Den e caso aki, durante control teni pa patruya Noord dialuna atardi nan a para e
auto A-55166. Durante control, e chofer di inicialnan G.J.E.R. a entrega e polis rijbewijs
Venezolano.

Polis a puntra e chofer si e ta cu vacacion na Aruba. E chofer a declara di a bin cu vacacion y el a
entrega e peticion na DIMAS pa extende su estadia. G.J.E.R. a mustra polis e peticion y e agente
a constata cu desde 22 di July 2015 el a haci peticion.

Polis via imigracion a haya sa cu e homber ta illegal na Aruba pa cual a detene R. y patruya a
transporte pa warda di Shaba y despues a hiba e detenido na Warda Nos Costa Dakota.

Tambe altura di Ritz Carlton, personal di Strandpolitie a hiba controla riba trafico. Nan a wak un
auto blanco Toyota Hilux A-45804 ta coriendo cu dos obheto (mesa) cu no ta mara y facil
esakinan por cay riba caminda publico.

Durante cu polis tabata hiba control, a sali na claridad cu e chofer no tin rijbewijs y tampoco
identificacion hunto cune. Den e auto e pasahero tampoco tabatin identificacion den su poder.

Tambe a sali na claridad, cu ambos homber no tin permiso di estadia hunto cu nan y polis a hiba
tur dos warda cu patruya pa mas investigacion. Via di Warda Nos Costa polis a ricibi informe cu
e dos hombernan no tin permiso di estadia, consecuentemente D.C. naci na Venezuela di 26 aña
y J.C.B. di 37 tambe naci na Venezuela a wordo transporta pa despacho di Warda Nos Costa.

http://www.diario.aw/2015/11/chauffeur-y-su-pasahero-a-cay-den-man-di-warda-nos-costa/