Page 25 - Min On 15 Aug 2015

AWEMainta Diasabra, 15 Augustus 2015 17

Minister Michelle Hooyboer-Winklaar:

A basha asfalt na tres scol
pa habri aña escolar nobo

Lo sigui cu otro scolnan den transcurso di e lunanan benidero

DOS siman pasa Minister di Enseñansa, Michelle

Hooyboer-Winklaar a anuncia 2 scol cu a ricibi as-
falt durante e periodo di vakantie aki, pero na mes
momento a informa cu e lo haci tur loke ta na su
alcance pa por basha asfalt na mas scol prome cu
scol cuminsa.
Pa cumpli cu esaki den un tempo cortico a rekeri
hopi organisacion y e Minister ta masha contento cu
a logra 1 scol adicional, esta Colegio Hilario Angela
prome cu comienso di aña escolar nobo.
Diahuebs den dia por a mira yen di truck di DOW ta
mobilisa pa San Nicolas, hibando asfalt como tambe
ekipo pa cuminsa e trabaonan mas liher posibel pa
sigura cu ta cla pa mañan atardi.
A nota presencia di e cabesante, kende a keda sor-
prendi cu e trabao aki.
E no a spera cu e lo a pasa asina liher ya cu ta siman
pasa a bay tuma midi di e tereno caminda mester a
basha asfalt.
E unico palabra cu el a expresa ta cu e ta hopi feliz ya
cu e sa kico esaki ta nifica p’e alumnonan di su scol.

“Mi no ta laga e momento aki pasa pa mi gradici di
curason cada un persona cu a haci esaki posibel,
specialmente e trahadonan di DOW como tambe e
persona encarga cu e Departamento di Mantencion,
cu desde januari 2015 a tuma mantencion di scolnan
bou nan encarga y ta haciendo un tremendo trabao”,
e mandatario a declara.
“Nos tin un bon comunicacion entre mi Ministerio
y diferente departamento di DOW cual ta haciendo
cada un trabao, sea grandi of chikito, posibel na e
scolnan di Aruba.
Mi no ta cla, tin hopi trabao pa cuminsa y wordo
termina ainda”, asina Minister Michelle Hooyboer-
Winklaar a termina bisando.