Page 39 - Extra 5Nov,2015

Djaweps 5 Novèmber 2015 39

TIN OUMENTO BOU DI ESNAN KU TA
USA DATONAN DI CBS

WILLEMSTAD.- Ofisina (CBS) por a nota ku tin uso di datonan ku e tin na
Sentral di Estadístika hopi instansha ku ta hasi disposishon pa nan usa pa

kualke fin. Tin negoshinan
i otro instanshanan, pero
tambe skolnan ku ta hasi
uso dje datonan aki. Esei
EXTRA por a komprondé
di funshonarionan di
CBS. Por bisa asta ku e
último añanan por nota un
kresementu den e kantidat
di hende i instansha ku ta
hasiendo uso di e datonan
aki. E interes ta subiendo
mas i mas.

Di mes tur material ta
ser eksponé riba e página
web di CBS, i asina e ta
disponibel pa tur hende
por mira i usa. E página
web tambe ta bon bishitá.
CBS ke yuda hasi e
komunidat konsiente di
loke ta pasando rondó
di dje tambe. Ta p’esei
CBS ta duna mas tantu
informashon ku ta posibel
na komunidat. Enkuesta
ta un medio ku CBS ta hasi
uso di dje regularmente pa
kompilá datonan ku e ta
deseá, i ku e resultadonan
ei lo por informá e mesun
komunidat, gobièrnu
i tambe otronan ku ta
interesá.

Tin instanshanan
manera Nashonnan
Uní, Fondo Monetario
Internashonal etc. ku ta
interesá den nos datonan
pa sa kiko ta biba na
Kòrsou tambe.

Djabièrnè 6 di
novèmber próksimo
enkuestadónan di CBS lo
bishitá +/- 3600 kas di
famia rònt Kòrsou pa algun
pregunta den kuadro di
Enkuesta Koheshon Sosial
ku CBS ta bai ehekutá pa
promé biaha na Kòrsou. E
enkuesta aki ta kontinuá
te ku yanüari 2016.

Meta di e enkuesta
aki ta pa CBS risibí dato
tokante e sintimentu
di pertenensia,
embolbimentu sosial di e
pueblo i e responsabilidat
pa ku komunidat di
Kòrsou. E lista di
pregunta tin relashon ku
e persepshon i opinionnan
di personanan tokante
entre otro: eksperiensha
di kalidat di bida,
konfiansa den otronan
i den instanshanan,
partisipashon polítiko i
e disponibilidat pa tuma
akshon, kon leu nos
ta aseptá otronan den
nos komunidat, grado i
posibilidat pa bai dilanti
Sigui lesa pagina 45