Page 24 - FDLP

ORANJESTAD (AAN)- campeonato Heineken fast pitch femenino AA a termina den un
wega emocionante y dramatico.

E dos fuerte equiponan Aruba Bank Lady Tigers a enfrenta Eagles den un serie di best
out of 3 pa determina kende lo titula campeon 2019 di pais Aruba.

E equipo di Eagles a logra yega final invicto y den e promer wega di e serie final Eagles

ta laga Aruba Bank den tereno 1-0.

Den e di dos wega Aruba Bank Lady Tigers ta derota Eagles 5-4 empatando e serie 1-1

forsando un wega decisivo alaves kibrando invicto di Eagles.

Den e tercer wega y pues e wega final Eagles perdiendo 7-5 den bom di 7 ta jena base
sin out y ta anota un careda pa hasi e wega 7-6 cu basenan jen sin out.

Rudlyn Ras ta preta brasa y ta sali di Gilda James quinto toleto kende tabata tin dos hit
riba e anochi cu un fly pa tercera. Yee Mei Beba Cheong un rising star kende tambe
tabata tin dos hit ta wordo domina cu un rolling pa short unda e short ta forsa e out na

home.

Basenan ta keda jen cu 2 out Destiny Johnson ta wordo domina cu un rolling pa tercera
y asina Aruba Bank Lady Tigers a subi tereno pa celebra nan titulo. Un wega cu hopi
emocion.

Den di dos inning Aruba Bank ta coecta dos hit back to back y Ilajay Tromp ta cuadra
pa toke unda e pitcher Melliziene Richardson ta tira malo tercera y e bala ta lora bay te

den skina di leftfield y tres careda ta anota riba e hungada aki cual a pisa hopi tempran
den e wega.