Page 34 - MIN VOS 10 MAART 2016

Mervin Wyatt-Ras Den tur discucion rond di SABA,
bienestar di nos grandinan, mester keda central

Wednesday, 09 March 2016 13:43
Comparti

Parlamentario Mervin Wyatt-Ras durante conferencia di prensa a trese padilanti cu el a tuma nota di
diferente discucion entorno di SABA y maneho di e instituto y discucion entre gobierno cu Maneho,
hunta di supervision y bond di trahadornan y ta haya cu den tur e discucion mester keda mira e cliente,
esta nos grandinan, como central.

Wyatt-Ras ta trese padilanti cu minister di su banda kier mas transparencia den e organisacion y kier pa
e fundacion responsabilisa na gobierno. E fundacion ta ricibi 23 miyon di subsidio. E fundacion ta indica
cu tin un wachtlijst di 300 largo, mientras cu segun minister esaki ta menos y tambe e fundacion tin cu
motiva dicon lo tin mester di mas trahador. Minster a indica cu lo e haci un audit di e organisacion pa
haya mas claridad. Segun Wyatt-Ras gobierno ta esun cu ta duna subsidio y e por exihi
responsablisacion. Parlamento na varios ocasion a indica cu fundacionnan mester duna cuenta y cu
mester responsabilisa si ta logra metanan pa nan cliente. Aki e cliente ta central pa evalua si ta yuda e
grupo di meta. Parlamento mes a bin cu mocion pa “output gerichte subsidie” pa organisacionnan, cu a
ser aproba ampliamente. Ministerio di Finanzas ta trahando ariba implementacion di esaki. Aki mester
bai evalua si e clientenan of e gruponan di meta ta ser localisa pa medio di accionnan di e diferente
fundacionnan y hasta por fortifica nan. Wyatt-Ras ta haya den e discucion mester papia tambe di cuido
di nos grandinan na cas. SABA ta haciendo un trabou importante y cualitativo, pero tin grandinan tambe
cu kier keda biba na cas y si por organisa cuido y sosten na cas nos grandinan cu por ainda por keda biba
den nan propio ambiente. Aki por fortica e organisacionnan cu tin experencia y ya caba ta dunando e tipo
di cuido aki. Ta necesario pa fortifica e asina yama “mantelzorg”. E ley di ouderenzorg cu a ser aproba
den Parlamento dia 7 di december di anja 2015, sigur lo trese mas structura y lo proteha nos grandinan y
garantisa calidad di nos hendenan. Tin un cantidad grandi di centronan cu a lanta y awor nan ta
reglamenta. Ademas lo garantisa e calidad dor cu inspeccion di salubridad lo atende cu kehonan den caso
esakinan wordo duna y lo controla e cuido.

Tambe e ley cu ta reglamenta BIG lo garantisa acreditacion y pues calidad di trahadornan cu nos
grandinan. Ariba un pregunta si gobierno lo stop subsidie na SABA, Wyatt-Ras a contesta cu gobierno ta
den deliberacion cu directive, hunta di supervision y trahadorna y cu ta di importancia pa gobierno cu ta
duna subsidio haya inzage den loke ta ser haci cu e subsidio aki. Y ta gobierno na un dado momento si no
yega na otro por tuma un decision. Wyatt-Ras ta trese padilanti cu pe ta di importancia cu den henter e
discucion aki e cliente ta central. Pues nos grandinan mester ta central den tur loke wordo palabra cu
otro. Wyatt-Ras ta di opinion cu mester stop di hinca politica den e discussion. E hecho cu Mep ta pidi
reunion tocante SABA ta un farsa. Pasobra ora cu a discuti den parlamento tocante nos grandinan y a
pasa e ley cu ta garantisa calidad y reglanan Mep ni tabata completo durante e reunion y a vota contra di
e ley di nos grandinan. Cu ki cara awor aki nan por yama reunion. Aki por mira cu ta handle segun
convencia. Wyatt-Ras hunto cu fraccion lo sigui e proceso aki di serca y ta spera cu lo por keda garantisa
na nos grandinan e cuido cu ta necesario pa nan. E ta spera cu ora yama reunionnan cu actornan esnan
di Mep lo por ta presente.