Page 13 - bon-dia-aruba-20220214

a13
riba caya Dialuna 14 Februari 2022

Temporada di broei pa 10 especie di Sternchi a cuminsa

A cuminsa cu preparacion
di algun dia pa e temporada
di broei riba e rifnan na San
Nicolas, un reserva natural
den e Area Marino Protegi,
Sero Colorado. E islanan aki
ta esencial pa 10 especienan di
Sternchi, cu temporalmente
ta huza e parti di costa aki di
Aruba pa sosega, alimenta, y
broei – incluyendo 15-30%
di e populacion mundial di
Sternchi Grandi (Thalasseus
sandvicensis eurygnathus) y
mas cu 90% di populacion di
Caribe di Sternchi Comun.
Rangernan di Parke Ariko
hunto cu algun persona mas
a cuminsa pone man na obra.
Cuidando e naturalesa ta un
tarea di nos tur.

Brommer tuma den beslag durante control na rotonde Mahuma

Diasabra ultimo den oranan di anochi polis motorisa a tene un control den trafico relaciona cu
velocidad riba green corridor Mahuma y Ser’i Teishi. A para un motociclista debi na velocidad
y a controla documentonan. Polis motorisa a tuma e brommer den beslag.