Page 2 - Awe mainta, 25 April 2015
P. 2
Diasabra 25 di April 2015 | Margrietstraat 3 | Tel: 583-1400 | Fax: 583-1444 | noticia@awemainta.com awemainta.com
Contrario na deseo
di oposicion y algun
medio
Conseho di Minister di Reino no a bin cu ningun
KB, AMvR of un aanwijzing
FOR di oranan di ayera madruga, telefon
no por cada di ring, pa sa kico t’e decision
di Conseho di Minister di Reino, si nan a
bin cu otro KB, cu un Algemene Maatregel
van Rijksbestuur of un aanwijzing. Masha
speculacion y diferente publicacion eroneo
tabatin ultimo dianan, cu ta mustra manera
oposicion sosteni pa algun medio lo desea
pa Gobierno Hulandes pone Aruba su
Gobierno bao di curatela.
Nada di esaki a tuma lugar, unda por conclui cu
Prome Minister Mark Rutte tabatin un reunion
fructifero cu su colega Mike Eman na Panama,
confirmando cu dialoga na mesa, por haya
otro, enbes di impone y mishi cu autonomia di
Aruba.
Durante e reunion di Conseho di Minister di
Reino tabata Premier Mark Rutte durante e
reunion aki a splica cu mescos cu e tabatin bon
combersacion cu Premier Eman na Panama,
proximamente na Aruba Minister Ronald
Plasterk lo tey pa reuni cu Prome Minister Mike
Eman y cu demas coleganan den Gobierno.
Tur cos ta canando su caminda masha normal
pa tratamento di presupuesto 2015 wordo
trata. Esnan cu tabata pendiente pa un
decision drastico contra Aruba den Conseho di
Reino ayera a tende mainta tempran na Aruba
cu e noticia a drenta for di Hulanda cu ningun
decision a wordo tuma contra Aruba.
