Page 9 - Awe mainta, 25 April 2015

awemainta.com Online Diasabra 25 di April 2015

8 Nursenan mihor
prepara pa

cuida paciente
cu PEG-Sonde

UN PEG (Percutane Endoscopische Gastronomie) sonde of
catheter ta un tubo fini cu ta permiti e paciente cu no por
guli bon mas, no por guli mas, of ta pasa robes cu cuminda,
pa ricibi e nutricion diario cu e mester directamente den su
stoma. E cuido apropia di e paciente cu tin un PEG ta esencial
pa sigura cu e paciente ta bira mihor y tambe pa e no haya
complicacion cu su PEG.
E seminario tabata e di dos sesion organisa pa Hospital
riba e topico. Asina hospital ta yuda nurse y cuidadornan
di pacientenan cu un PEG pa compronde nan mihor y yuda
nan y nan famianan evita un infeccion n’e sonde of cualkier
complicacion. Menos complicacion ta traduci den un mihor
calidad di bida y tambe menos “opname” na Hospital.
Departamento di Endoscopia di Hospital a traha un buki di
informacion nobo, cu hopi informacion valioso p’e paciente
y esnan cu ta cuid’e, y a introduci esaki durante di e un
seminario special, cu a conta cu Abbott (Mediscometics)
como sponsor.
Theo de Kool, Director Financiero di Hospital, a ricibi e
“prome copia” di e buki. Iraima Sophia y Giselle Tromp ta
nursenan specialisa di Departamento di Endoscopia, tabata
parti di e team cu a produci e buki. Nan ta splica cu basa
riba e prome booklet, cual nan a traha aña pasa a dicidi di
añadi mas detaye y mas informacion di interes pa tur e
personanan envolvi cu cuido di e pacienteE pacientenan cu
mas frecuentemente ta ricibi un PEG catheter ta personanan
cu a haya un stroke of tin cancer, of a perde nan habilidad pa
kauw y guli pa cualkier otro motibo, incluyendo e perdida di
funcion pa via di e estado general di salud relaciona na edad
halto.
Rachel Kraaijvanger, kende ta Logopedista trahando na
Departamento di Revalidacion, ta splica cu ora cu un
profesional medico ripara cu su paciente tin dificultad pa
guli of ta pasa robes cu cuminda, e ta wordo yama pa haci
un analisis. E ta splica cu pacientenan cu tin un complicacion
neurologico, no solamente stroke, pero otro condicionnan
neuro-degenerativo manera Parkinson tambe por wordo
conseha pa laga pone un sonde.
Despues cu Kraaijvanger caba cu su analisis, dr. Caceres
tambe ta evalua e condicion di e paciente y e conseho duna.
Tin biaha ta opta pa instala e PEG via di nanishi, cual por
keda solamente pa dos siman. Si ta necesario p’e paciente
keda un PEG despues ta pone un PEG na su stoma.Un dietista
tambe ta bin pa duna conseho tocante cuminda y bebida p’e
paciente. E famia ta wordo envolvi den henter e proceso y ta
ricibi e guia necesario.
E mensahe principal pa tanto e paciente, e persona cu ta
cuid’e na cas of na casnan di hende grandi y su famia cu ta
contribui na su cuido ta pa tuma contacto libremente y si
cualkier cos no ta mustra manera mester ta pa tuma contacto
di biaha cu e specialista di cuido.
Zorgmanager Tida Peterson-Maduro a bisa cu particularmente
e curso ta valioso pa tur enfermero, y ta yuda nan compronde
mihor kico e paciente ta sinti ora cu e tin u PEG. El a comenta
cu por ehempel dolor di garganta ta un cos cu pacientenan ta
sinti, pasobra e PEG sonde ta wordo instala via di e esofago y
tabatin personanan den cuido cu no tabata y ta haya straño
cu e paciente tin dolor di garganta.Den futuro tin planea
pa organisa e seminario tambe pa famia y sernan keri cu ta
ocupa nan mes cu e cuido di e paciente.