Page 13 - KPA 4 maart

> contra e conocido Dyron F.
>
> E biaha aki e lo a haci fastioso riba e veld di softball tras di
> Centro di Bario Noord. Polis a bay mas rapido posibel ya topa cu Dyron
> na entrada di e Centro di Bario. El a comporta su mes e biaha aki un
> tiki mas trankilo, pero manera semper e tabata papia bruha.
>
> For di investigacion a bin sali na cla cu e tabata comporta agresivo
> cu e muchanan di edad 4 pa 5 aña y despues cu e mamanan di e muchanan,
> unda cu el a insultanan ora cu nan a pidie pa comporta su mes. E
> muchanan mes a bira hopi fastioso cu esaki. Dyron a wordo hiba warda
> di Shaba pa e por calma.
>
> Despues di a keda presenta dilanti di fiscal auxiliar, el a wordo
> encarcela pa e por bin bij.
>
> Mirando e hecho cu den e ultimo dianan Dyron ta biniendo mas den e
> loep publico y ta comportando mas straño y agresivo cu otro, a bira
> tempo pa instancianan cuminsa mobilisa pa dune e ayudo necesario, pa
> asina e no comete daño na su mes of na otro.
>
>
>
> Auto a wordo kibra na Sero Biento
>
>
> SERO BIENTO - Diaranson, pa mas of menos 4’or y 13 di atardi, Central
> di Polis ta dirigi patruya na un adres na Sero Biento pa un caso di
> destruccion. Eynan a bin papia cu e dama W., kende a declara cu
> desconocidonan a kibra e windshield patras di su auto. Por a mira cu
> en berdad e glas a wordo kibra y e bahul tabata tin un deuk. W. a
> wordo puntra si por ta e tabata tin problema cu un hende. El a declara
> cu no ta asina. Segun W. su tata parti mainta, a bay trabao pa 6’or y
> 45 y ainda su auto tabata intacto. Pa 3’or y 55, W. a wak e daño riba
> e auto y a yama su tata riba esaki. Keho a wordo duna di destruccion.
> Central a wordo poni na altura.

http://www.24ora.com/policial-mainmenu-8/105979-noticia-policial-aruba-02-maart-2016