Page 36 - HOSPITAAL

Sospechoso Dave Kop di 18 aña a laga victima Rafael di 53
aña tur destrosa na Piedra Plat

Tuesday, 06 June 2017 21:31
Comparti

E incidente di diadomingo anochi na Piedra Plat banda di Mandingo Snack tin atencion di autoridad. E
sospechoso Dave Kop di 18 aña ta e persona cu a pasa intencionalmente riba e victima.

E ta conoci caba den e area pa su coremento iresponsabel. Na cas mes mayornan no por cune. E ta biba
na Nuñe. Diadomingo coriendo iresponsabel a hera dal un peaton. A grite pa core drechi. El a reverse e
auto Yaris y dal e victima y djey pasa riba dje. El a keda bay bin asina algun biaha riba e victima despues
di lastre bou di e auto. Dave Kop di 18 aña despues a badona e sitio. El a bay sconde e auto y parce a coy
un scooter sali bek. Despues autoridad a rondona e cas na Nuñe y a bin topa cune unda a haci detencion.
Esun cu bay bisa cu e lo ta loco, nan lo ta fout pasobra si e ta loco e no a core bay sconde e auto na cas y
busca manera di sconde tambe manera nada a sosode. Awor aki e ta wordo acusa di asesinato. E victima
mes ta luchando pa sobrevivi. E homber victima Fam Rafael 53 aña ta biba poco mas pariba di unda e
incidente a tuma lugar. E slanan ta hopi. El a haya sla na cabez y likido ta yena den su cabez, dos
schoudeer ta kibra, 7 ribchie kibra, problema cu pulmon, heup kibra y dos disco di su wervelkolom
kibra. Esnan cu conoci entre otro autoridad ta bisa cu e hoben aki ta un peliger pa comunidad.
Recientemente e tabata sera pero a lage bay caba. El a wordo gara ta horta e caha fuerte den marduga na
Burger King na Paradera. Ya caba nan a lage bay. E dia ey su so a cay sera pasobra cu e otronan a core
bay. Awor ya caba e ta liber y biaha aki a hera ranca un bida. Spera cu e victima recupera di e situacion cu
el a pasa aden.