Page 12 - UTILITIES

Djaweps 8 Febrüari 2018 39
Aruba tin basta insentivo pa outonan eléktriko

WILLEMSTAD.- Na ta henter un sensashon. di 200 outo eléktriko ta kore
Aruba, outonan eléktriko Aktualmente tin alrededor rònt riba e pais.
Esaki ta loke ku sra.
Rubiela Lampe i su kolega
Rushen Geerman di e
kompania Acitvated Power
di Aruba, a splika ayera
den sala di parlamento di
Kòrsou.
Nan a duna un
demostrashon kon outonan
eléktriko por kontribuí
na pais ku ta bayendo
den direkshon di energia
sostenibel.
E sensashon t’asina
grandi ku ta vários insentivo
tin pa ku outonan eléktriko.
Aktualmente tin un
kantidat di stashon
eléktriko ku por rekargá
e outonan aki. Hasta
komersio i lokalidatnan
di gobièrnu na Aruba tin
stashon di rekargo. Pues na
momentu ku hende bai na e
lokalidatnan aki, tanten nan
ta hasiendo nan diligensia,
e outo ta rekargá pafó na e
stashon.
Tin un kompania di
seguro na Aruba ku ta duna
deskuento riba seguro pa
esnan ku tin outo eléktriko.
Tambe bankonan na Aruba
ta finansiá kontra di
outonan eléktriko, i nan ta
duna esaki na interes abou.
Esaki ta konta tantu pa
outonan nobo komo esnan
segunda mano.
Na Aruba e interes pe
outonan aki ta masha
grandi.
Mas aleu sra. Lampe a
bisa ku loke hopi studio
ta mustra ta ku ora tin un
stashon di rekargo na un
lokalidat por ehèmpel un
un supermerkado, esaki
lo haña mas tantu hende,
pasobra tur hende lo bai e
supermerkado pasó nan por
rekargá nan vehíkulo.
Tin kaminda ku ta kobra
3.80 pa un ora pa rekargá.
Pero te ainda tur stashon di
rekargo na Aruba ta grátis.
Awor aki e kompania di
utilidat na Aruba ta bai saka
un tarheta di 75 florin pa
rekargo eléktriko. Pues na
Aruba tin hopi insentivo pa
outonan eléktriko.