Page 5 - LOTTO 04 MAY 2017

deporte A19
Diahuebs 4 Mei 2017

Lotto ta felicita e seleccion di gymnasia cu nan tremendo resultado obteni
den e Caribbean Gymnastics Championship na Barbados

ORANJESTAD – Den fin
di siman tras di lomba, un
delegacion den e deporte
di gymnasia a biaha pa e
isla di Barbados unda nan
a competi na e 2017 Bar-
bados Gymnastics Invi-
tational. Mester bisa cu e
competencia tabata uno
di nivel halto y e compe-
tencia tabata super fuerte.
No obstante di e nivel di
competencia nos atletanan
di gymnasia a sa na duna un
tremendo presentacion y a
responde den bon forma y
logra acapara e atencion di
e huradonan. E delegacion
di Aruba por mira bek tras
di un biahe satisfactorio mi-
rando cu no menos cu 19
medaya a ser conkista pa nos
atletanan. Aruba a competi
den dos diferente competen-
cia na Barbados esta e 2017
Barbados Gymnastics Invi-
tational y e 2017 Caribbean
Champions, den tur dos
competencia nos atletanan di
gymnasia artistico a luci. E
hobencita Sanne van Dam a
sobresali pa e delegacion di
Aruba logrando no menos cu
10 medaya di cual 4 di plata y
6 di bronz. E otro atletanan
cu tambe a logra medaya ta

Ashley Provence y Rebecca
Spellen. Pa loke ta e resul-
tado all around, mester bisa
cu Sanne van Dam ta logra
medaya di plata den e Barba-
dos Gymnastics Invitational
mientras e ta ripiti e resul-
tado aki durante di e 2017
Caribbean Champions unda
e ta Sali na un di dos luga
overall.
Cu e resultadonan obteni a
keda conclui cu nos atletanan
di gymnasia tin e potencial
y nos a demostra esaki caba
den pasado den e competen-
cianan na Panama, Trinidad
and Tobago y Puerto Rico. E
federacion gymnastico Aru-
bano ta trahando duro na e
desaroyo y progreso di su
atletanan y poco poco ta mira
e fruto di e magnifico trabou
di tur cu ta contribui na e
exito aki.
Pesey mes tambe Lotto ta fe-
licita e delegacion di Aruba
cu e tremendo resultado.
Cumprando weganan di
Lotto, e Loteria di Aruba bo
ta contribui na deporte riba
nos isla. Meta di e fundacion
ta pa organisa loteria, cambia
bida di su hungadonan y na
mes momento inverti den
deporte local pa medio di
donacionnan na e Comision
di Subsidio.