Page 83 - MIN ECEM

Aruba su clima ta uno faborabel, cu ta haci esaki posibel. Aruba mester produci 100MW (cien
megawatt) pa su uzo di electricidad. Esaki ta poni den Rapport ‘’Hedging Activities of Water –en
Energiebedrijf Aruba N.V.

Den e documento “Aruba Sustainable Development” (Desaroyo Sostenibel Aruba) ta para cu e
desaroyonan riba e tereno aki lo ta pagabel pa henter e populacion di Aruba.

Segun den e rapport cu gobierno a laga traha nos tin “Vader Piet”, cu ta nos parke di Molina cu ta

genera 30MW (trinta megawatt) cu ta ekivalente na 20% (binti porciento) di nos produccion di
electricidad y un parke solar situa na Reina Beatrix Airport cu ta genera 3.4MW. Kemen un total di
33.4MW di energia sostenibel . E, energia berde cu ta wordo produci na beneficio di e pueblo.
Actualmente WEB ta produci 100% di coriente pa Aruba, si mester evalua e 33.4 MW cu e proyecto

di Vader Piet y Parke Solar na Reina Beatrix Airport ta produci ta un prociento hopi abao pa Aruba
completo sigui bay den e filosofia di energiaberde. Loke ta un realidad tin hopi mas gasto haci cu

loke ta produccion di coriente.

Si e pensamento ta dirigi Aruba den direccion di energia berde, energia sostenibel, pakiko tin un
mentalidad pa salbaguardia e uso di crudo, respalda por medio di hedging?

Hedging ta un strategia pa reduce riesgo den fluctuacion di prijs y pa promove stabilidad di prijs. E

motibo principal pa hedge aki na Aruba ta pa alivia y proteha pueblo contra prijs halto di produccion
di electricidad. Hedging ta reduci gasto. Sinembargo e mandatario conserni a hedge Aruba riba e
prosentahe mas halto, esaki sigur no a combini e pueblo di Aruba, mirando cu e prijs di petrolio ta

bahando cada bes. Kico realmente ta e motobo di esaki y kende ta esnan cu ta sali benifecia di esaki
realmente na momento cu Aruba ta den heding halto?

Nos energia berde mester reduci nos gastonan di produccion di electricidad cu minimo 20% y en

combinacion cu hedging, e mester reduci mas ainda. Pero Aruba keto bay ta pagando un prijs halto.

Den un rapport di PricewaterhouseCooper, un analisis haci na aña 2015, a recomenda pa mehora e
strategia di hedging. A recomenda pa mehora e decision en cuanto di hedging y a recomenda pa

busca un otro specialista riba tereno di hedging pa valida e conseho duna riba e tema aki.