Page 13 - DIGICEL

Gobierno a tuma paso pa cobra 15

miyon cu MIO debe

Posted on 08/14/2017 4:39 pm AST | Updated on 08/14/2017 9:59 pm AST

ORANJESTAD – Gobierno a cuminsa cana caminda legal pa por cobra e suma di
15 miyon florin di e compania di Telecom MIO. Asina e minister di
Telecomunicacion Richard Arends a bisa NoticiaCla. Mirando cu e compania no tin
activo na Aruba, no tin sentido pone beslag riba nada aki, y como tal a cuminsa
cana e otro caminda. E intencion segun Arends, ta pa bay pa e shareholdernan y e
doñonan personalmente cu si tin placa, y wak pa asina nan logra pone man riba e
suma pendiente aki. “Nos a bay prik door” Arends a bisa, uzando e dicho Hulandes
cu ta nifica cu nan ta bai sigui busca pa nan haya nan placa cu nan tin derecho riba
dje. E compania mientrastanto a para su operacion na Aruba, ora cu gobierno a
corta nan comunicacion dos luna pasa.

E SITUACION

Manera ta conoci, e mandatario a repasa e proceso di MIO algun tempo atras, pakico
MIO a perde nan licencia y a keda finalmente desconecta. E mandatario a recorda cu ta
na maart di e aña aki a firma un decreto dunando gobierno e poder pa dentro di un
periodo stipula, corta e señal di e compania, si nan no cumpli cu e debe habri di 15 miyon
florin. Nan tabatin te 1 di juli pa cumpli pero no a haci tal. E debe ta cubri algun aña, esta
for di 2014 bin Ariba. Cada 10 aña mester paga un suma di concesion y cada aña mester
paga 1.5 miyon florin. Na tur, esaki a aumenta te 15 miyon florin si tene na cuenta cu na
2014 mester a paga e suma di 10 miyon tambe. Y MIO no a cumpli cu e pagonan aki. A
hiba nan corte, a combersa cu nan, pero ningun di dos forma a logra pone e compania
paga. Awor cu nan no ta operacional mas, MIO ta keda responsabel pa e debe cu a keda
habri. E ta haci'e dificil pa un otro compania tuma over, pasobra nan lo mester tuma e
debe over tambe y ningun compania, segun e mandatario, lo haci esaki posiblemente. E
hecho cu gobierno a revoca e licencia, ta algo normal pa gobierno segun e mandatario. "E
ta kita e unico derecho di existencia di un compania di telecom, manera MIO".

Setar: Obranan di arte di nos muchanan

ta na Willem III toren

Posted on 08/14/2017 4:45 pm AST | Updated on 08/14/2017 10:01 pm AST