Page 34 - ATA
P. 34
Minister President a toca riba diferente punto di importancia pa cu e rol di Arubahuis
drento di gobierno. Especialmente, e mandatario a pone enfasis riba e importancia di e rol
di trahadornan. Minister President a remarca cu personal di Arubahuis ta embahadornan
di Aruba na Hulanda. Pues, nan ta e carda di Aruba y pues e rol di Cas di Aruba y su
empleadonan ta uno critico den bon representacion di nos isla na madre patria Hulanda.
Minister President a continua su discurso durante su bishita na Arubahuis door di informa
e personal cu Aruba ta enfrentando hopi reto manera e.o. e situacion delicado di
Venezuela. E mandatario a termina su discurso door di recorda personal di Cas di Aruba
cu nan trabou ta un di balor pa e progreso di pais Aruba, ni maske e distancia. Sigur, e
bishita di Minister President sra. Evelyn Wever Croes tawata uno ameno. Arubahuis ta
desea e mandatario hopi exito y sabiduria durante su siman di bishita di trabou na
Hulanda.
