Page 81 - AVP

Rocco Tjon (MEP): Mike Eman Ta Desespera Pa

Tapa Caso Di Corrupcion

 Politica
- 11/10/2019

“Nos ta desaproba e actitud maligno di Mike Eman caminda e kier desvia atencion di
caso “avestruz”. Un investigacion penal conduci riba (1) soborno (2) labamento di placa
(3) maluza funcion como gobernante (4) estafa. Esaki t’e “legacy” di Mike Eman y e
resultado di su liderazgo”, di acuerdo cu Rocco Tjon, lider di fraccion di MEP.

ARTHUR DOWERS Y ROBERT CANDELARIA
“Ta condenabel tambe cu pa desvia atencion partido AVP ta sali awor y cuestiona y of
insinua cosnan riba mi persona den un caso personal y civil di 2010. Manera nos a splica
caba un aña pasa, partido AVP por haya tur detayes di e caso aki serca Arthur Dowers y
Robert Candelaria.

Falta di caracter y liderazgo di e.o. e dos personanan aki, cu a labora den e aparato
hudicial t’e unico cos cu e atakenan baho y vil aki ta subraya”.

SCREENING
Segun Rocco Tjon, bau di Mike Eman y Arthur Dowers el a wordo gescreend dor di
“Veiligheidsdienst” di Aruba y Merca na 2014 pa atende FBI-Academy y na 2016 un bes
mas door di Veiliheidsdienst di Aruba pa asumi e funcion di Director di KIA.

E caso civil aki ta forma parti di e screening kiermen cualkier informacion cu partido
AVP of nan simpatisantenan kier dimi, nan sa serca ken nan mester ta.
“Hunto cu e articulo aki mi ta publica e resultado di mi screening haci bau liderazgo di
Mike Eman. Y tambe mi ta publica mi nombramento dor di Gabinete Mike Eman.