Page 22 - AM230710

22 AWEMainta Dialuna, 10 Juli 2023

Fortaleza pa Famia

Dios su bondad y su misericordia ta pa semper

PAKICO hende mester biba den rabia, odio, menosprecio, rechaso, discriminacion, inmoralidad, abominacion, amar-
gura, violencia y falsedad, siendo cu Dios su amor ta grandi y su bondad y misericordia pa nos ta pa semper. Pa hende
haci bon, bondad mester biba den nan curason, pasobra for di un curason cu ta bon, bondad ta sali, y for di un curason

cu ta malo, maldad ta sali.

Prome cu un hende haci malo cu otro, e mes mester wordo daña, pa asina maldad obra den dje, y e perde control y haci
malo. Y hopi biaha hende inocente, specialmente mucha ta haya un trato cu nan no merece.

Ta masha importante, cu mayornan lanta nan yiunan cu amor, dedicacion, respet, y cu norma y balor halto, pasobra
muchanan cu mira maltrato y violencia for di chikito, ta lanta pensando cu esey ta locual bida ta ofrece, pero nan ta
completamente robes pasobra bida ta yena cu bondad pa esun cu kier haci bon.

Bondad y misericordia ta naturalesa di Dios, pasobra Dios ta e unico fuente di bondad, den e mundo aki, caminda maldad,
inmoralidad y abominacion ta purba domina dia tras dia. E sistema di mundo, ta yena cu maldad, y hopi hende ta permiti
esey domina nan mente y asina asocia cu scuridad.

Ora un grupo di mucha ta core rond den auto, cu e meta pa bebe, droga, bringa, mata, horta, etc., bo ta haci bo mes e
pregunta ta ki tipo di trip esey ta?. Acaso cosnan bon no ta wordo haci mas?

Mas ainda cu den e grupo ey bo ta haya a mucha muhe sinta cu tin mas curashi, y un boca mas sushi, y cu ta mas cla pa
bringa, cu e muchanan homber, esey ta un puro demostracion, cu nos ta bayendo abao, den locual ta decencia, discip-
lina y coreccion, y cu e palabra di Dios no t’ey den cas.

Tin hopi cos cu politica ta wordo hunga cune, pasobra hende ta purba tur manera pa pasa nan responsabilidad riba otro
y laba man, poniendo tur falta riba gobierno, scol, internet etc., pero ta lubida di papia di e bondad y amor cu mester sali
for di nan mes pa nan yiunan.

Señor ta yen di gracia y compasion, Kende no ta rabia lihe, y ta grandi den misericordia. Señor ta bon pa tur, y Su miseri-
cordia ta riba tur su obranan, (Salmo 145:8+9).

Señor ta bon y recto, p’esey E ta instrui pecadornan den e caminda. E ta guia e humilde den huicio y E ta siña e humilde

Su caminda (Salmo 25:8+9).

Buscando e bondad y misericordia di Dios pa nos bida, nos lo conoce Su beneficionan.

** E ta pordona nos pica (Mateo 6:12).
** E ta cura nos enfermedadnan (Exodus 15:26)
** E ta redimi alma di su sirbidonan. (Salmo 34:22)
** E ta corona nos cu su amor y misericordia (Lucas 15:11-24).

** E ta satisface nos cu cosnan bon. (Santiago 1:17).
E ta renoba nos hubentud manera aguila (Isaias 40:31).

Dios ta grandi den misericordia y berdad, y ta un tristesa ora hende no kier reconoce e bondad di Dios pa nan bida, no

kier acepta cu salbacion ta cariño di Dios. Tur dia ora nos lanta for di nos cama ta momento pa gradici Dios, y uza e dia
pa haci bon, proclama bon, y bendiciona otronan pasobra cada dia ta un regalo di Dios.

Den un tempo malo y trabahoso, laga nos percura pa haci, y imita Dios, pasobra Su Bondad y Misericordia ta pa semper.

Sinceramente, Pastor Marcel Balootje