Page 12 - Minister Paul Croes

20 AWEMainta Diasabra, 08 Augustus 2015

ATHA su Extreme Camp for You

DURANTE siman di 27 juli pa 31 juli, ATHA (Asociacion

Trabao pa Hubentud di Aruba) a organisa su Extreme Camp
for Youth. Cu porcierto t’e prome aña cu ATHA a organisa
un camp cu e concepto di extreme sports pa full un siman
pa hoben nan di 12 pa 17 aña.
E motibo cu a scoge p’e concepto aki ta pasobra p’e edad aki
dificil pa motiva nan pa bay haci algo educativo y recreativo
durante nan vakantie y tampoco no tin hopi camp p’e edad
aki.
Meta di e camp aki ta p’e hobennan por socialisa cu hoben-
nan di nan mesun edad, pa nan por surpasa diferente reto
hunto, pero tambe individualmente e obstaculonan aki lo
stimula e hoben pa challenge nan mes y alabez promove
movecion bao di e hobennan pa un bida mas saludabel.
E extreme camp aki a wordo organisa dor di 19 cursista di
e opleiding Leider Sportieve Recreatie (L.S.R), conhunta-
mente cu diferente coach cu conocimento riba e tereno di
Extreme Sports.
E dianan a wordo parti cu diferente actividad, unda cu e
cursistanan a wordo parti den grupo y cada grupo a keda
encarga p’e programa di cada dia.
Riba dialuna e muchanan a bay riba un hike cu a sali for di
TeleAruba bay Franse Pas y termina bek na TeleAruba.
Durante e hike e muchanan a encontra diferente obstaculo
unda hunto nan tin cu surpasa esaki. Diamars nan tabata
pariba di Marina Pirata unda e hobennan a traha un flot cu
guia di e coachnan.