Page 24 - flip min.sja
P. 24
Minister Otmar Oduber: Proyecto RESONA: Exito di
comienso te final
Tuesday, 24 March 2015 16:35
Comparti
Ministerio di Cultura y Departamento di Cultura Aruba ta hopi contento cu e exito grandi cu
Resona a cosecha den comunindad. Desde e inicio di su hornada Minister di Cultura Otmar
Oduber a percura pa haci di nos cultura un prioridad, unda cu investigacion, documentacion,
educacion y traspaso di esaki ta number un riba lista.
Pa logra e meta stipula hunto Departamento di Cultura a introduci Resona cu ta un proyecto cu
ta trece e musica folklore bek den hogar di comunidad completo, muy en especial pa nos
hobennan. Henter e proyecto di Resona ta trata di traspasa herencia di un generacion pa e
otro generacion. Un aspecto hopi importante ta pa brinda e oportunidad pa e hobennan
conoce nos musica folkore y naturalmente cu nan sinti nan mes atrai na dje. Esaki ta e meta
tambe dor di tin talentonan hoben den musica cu ta presenta esakinan, dunando e un bachi
nobo y asina aki percura pa nan yega na e diferente emisoranan y educa comunidad y nos
hobennan riba e herencia di nos cultura, di nos antepasado y di unda nos raiz ta bin aki na
Aruba. Esaki ta un di e puntonan cu a bin dilani durante e Cumbre Nacional di Cultura cu a
tuma lugar na mei 2014, unda a trece dilanti pa documenta tur proyecto cultural cu ta wordo
haci, pa asina haci e documentacion y produccion disponibel pa comunidad di Aruba.
Resona a percura pa haci exactamente esaki, cu un toke diferente e ta mantene e balor cultural
di cada cancio cu enfoke riba nos hobennan pa tene asina aki na bida. Danki na e sosten di
Oficina Turismo, awendia Aruba por a disfruta no di un concierto pero di 3 concierto
sumamente exitoso. Mirando e exito di e prome concierto cu un sala di Cas di Cultura
completamente bendi y e demanda pa Resona tabata grandi, Minister Oduber hunto cu lider di
produccion di Resona Michael Lampe a yega na e conclusion cu lo tene un sorpresa riba Plaza
Betico Croes riba dia 17 di maart den cuadro e celebracion di nos Dia di Himno y Bandera unda
Resona a presenta gratis pa pueblo. A resulta cu e demanda y hamber pa folkore tabata grandi
y asina aki a bin cu un di dos concierto cu tambe a resulta di ta completamente sold out. Pa
sera e luna cultural cu broche di oro, diadomingo 29 di maart lo tuma lugar e ultimo concierto
di Resona den Cas di Cultura, unda esnan cu no a logra presencia e produccion clasico aki
ainda tin e oportunidad pa forma parti di dje y brinda nan sosten na Aruba su Cultura.
comienso te final
Tuesday, 24 March 2015 16:35
Comparti
Ministerio di Cultura y Departamento di Cultura Aruba ta hopi contento cu e exito grandi cu
Resona a cosecha den comunindad. Desde e inicio di su hornada Minister di Cultura Otmar
Oduber a percura pa haci di nos cultura un prioridad, unda cu investigacion, documentacion,
educacion y traspaso di esaki ta number un riba lista.
Pa logra e meta stipula hunto Departamento di Cultura a introduci Resona cu ta un proyecto cu
ta trece e musica folklore bek den hogar di comunidad completo, muy en especial pa nos
hobennan. Henter e proyecto di Resona ta trata di traspasa herencia di un generacion pa e
otro generacion. Un aspecto hopi importante ta pa brinda e oportunidad pa e hobennan
conoce nos musica folkore y naturalmente cu nan sinti nan mes atrai na dje. Esaki ta e meta
tambe dor di tin talentonan hoben den musica cu ta presenta esakinan, dunando e un bachi
nobo y asina aki percura pa nan yega na e diferente emisoranan y educa comunidad y nos
hobennan riba e herencia di nos cultura, di nos antepasado y di unda nos raiz ta bin aki na
Aruba. Esaki ta un di e puntonan cu a bin dilani durante e Cumbre Nacional di Cultura cu a
tuma lugar na mei 2014, unda a trece dilanti pa documenta tur proyecto cultural cu ta wordo
haci, pa asina haci e documentacion y produccion disponibel pa comunidad di Aruba.
Resona a percura pa haci exactamente esaki, cu un toke diferente e ta mantene e balor cultural
di cada cancio cu enfoke riba nos hobennan pa tene asina aki na bida. Danki na e sosten di
Oficina Turismo, awendia Aruba por a disfruta no di un concierto pero di 3 concierto
sumamente exitoso. Mirando e exito di e prome concierto cu un sala di Cas di Cultura
completamente bendi y e demanda pa Resona tabata grandi, Minister Oduber hunto cu lider di
produccion di Resona Michael Lampe a yega na e conclusion cu lo tene un sorpresa riba Plaza
Betico Croes riba dia 17 di maart den cuadro e celebracion di nos Dia di Himno y Bandera unda
Resona a presenta gratis pa pueblo. A resulta cu e demanda y hamber pa folkore tabata grandi
y asina aki a bin cu un di dos concierto cu tambe a resulta di ta completamente sold out. Pa
sera e luna cultural cu broche di oro, diadomingo 29 di maart lo tuma lugar e ultimo concierto
di Resona den Cas di Cultura, unda esnan cu no a logra presencia e produccion clasico aki
ainda tin e oportunidad pa forma parti di dje y brinda nan sosten na Aruba su Cultura.
