Page 24 - EXTRA31OCT2015

24 Djasabra 31 òktober 2015
��
For di Arte.
Den e seri aki tin hende ta
ekspresá nan mes i ta fòrsa
nos para ketu na e diferente
realidatnan den nos bida. Nan
ta artista ku ta marka mundu
ku nan seyo partikular. Tin
ora konsientemente, tin ora
inkonsientemente i otro ora ta un
kombinashon di nan dos. Kada
un ta úniko den loke e ta presentá
di su talento spesífiko. Loke nan
tin en komun ta, ku nan ta biba
i traha na Kòrsou. Awe nos ta
konta tokante un kombersashon
ku nos a hiba ku Duncan Campbell
den su kapasidat di kuratòr di e
eksposishon di grupo titulá Tabú
II.
ĐTabúnan ta e gòm ku ta uni un sosiedat i a
la ves nan ta e kousa pakiko e mesun sosiedat
ei ta desintegrá.Đ Duncan Campbell ta ekspresá
esaki durante un di nos kòmbersashonnan ku
nos ta hiba pa e entrevista aki. Tres aña pasá,
tempu Campbell tabata traha na landhuis
Bloemhof, el a organisá e eksposishon Tabú
I komo e tabata fasiná ku kontrastenan. El a
reta e artistanan pa nan traha obranan ku ta
representá diferente tabú. Esaki a resultá den
un eksposishon multifasétiko ku diferente nivel
di profundidat. E aña aki Campbell a disidí di
bolbe ripití e tema. “Den Tabú I e tabúnan a bira
visibel. Esei tabata masha bunita. Pero tabata
trata di tabúnan den un sentido mas general.
Maske entre nan tabatin obra ku ya tabata
alkansá un nivel mas elevá. Ku Tabú II nos ta
bai drenta di un manera mas profundo den e
tema. Nos ta bai trata e forma kon tabúnan ta
funshoná i esei por ta positivo tambe.”
Campbell a reuní algun artista i a splika su
idea. E no a duna nan un tarea fásil esta: zum
drenta den e tabúnan di nos pais i krea un obra
di arte ku tin un tabú komo su punto di salida.
“Tabúnan ta uni hende den nan manera
di huzga ‘algu’ pero a la bes nan ta hasi ku
e espasio pa pensa di un otro manera riba e
mesun ‘algu’ ei, ta hañ’é ku resistensia. Den
kurso di tempu e mesun resistensia ei por
“ mi no sa nada di arte. De bes
en kuando mi sa kiko ta yama mi
atenshon. Ta trata e ora ei di e
istoria tras di e obra i esei no ta
nifiká ku e mester ta bunita, den
sentido estétiko. Basta e tòchi bo.”
krese debí na tur sorto di faktor i influensia,
inklusive eksterno. I esei ta pone ku e mesun
tabú ku tabata tene hende huntu ta hasi ku
nan ta alehá di otro. E frikshon ku ta forma
na e momento ei ta provoká diskushon i un
kambio den e konsepto original ku tabatin di
un tabú.
Si akaso e konsepto general original haña
mas atversario ku faboresedor, ta adoptá e
konsepto nobo.
Esei no ta nifiká ku ya e tabú ei no ta
eksistí, sino ku su imágen vigente ta kambia
den sosiedat. “
Komo ehèmpel Campbell ta duna e manera
di pensa tokante homoseksualidat. “Mira,
mientras tantu nos a palabrá ku ta oké pa
hende ta homoseksual. Ku eksepshon di algun
hende, nos por bisa ku gran mayoria awendia
ta haña ku tantu homoseksual komo lesbiana
ta forma parti di nos sosiedat. Esaki ta e señal
di aseptashon ku nos ta haña generalmente.
Esei no ta kita ku na kas lo tin hende ku ta
pensa otro.
Pero ya no ta menshoná esaki mas komo ku
e manera ku generalmente sosiedat ta pensa
riba e asuntu
aki a kambia. Ya no tin un aseptashon
abierto. I asina e tabú aki a resultá den un
funshonamentu positivo pa un minoría den
nos sosiedat ku a ser apartá pa e tabú tokante
Un di e pinturanan di Duncan
Campbell
homofilia.”
E kambio aki den pensamentu tokante
homoseksualidat ta demostrá ku no ta semper
ku tabúnan ta keda ankrá den un sosiedat,
pero ku nan por keda den moveshon. I ku e
loke ku ántes tabata konsiderá ĐápnormalĐ
por kambia di lugá ku loke tabata mira komo
Đ gewon, koriente’.
Di moda ku es ku kondená homoseksualidat
abiertamente awendia por spera hopi krítika.
Si bo sigui pensa mas aleu lo bo por bisa ku
atakando e tabú aki a krea un tabú nobo.
Esta di ya no aseptá e pensamentu kaminda
ta kondená homoseksualidat. ĐEsei ta e
moveshon ku ta tantu fasinante. Mas aún
ora bo mira kiko un tabú por nifiká den un
sentido positivo pa hende. Danki na òf apesar
di un tabú vigente hende por surpasá nan mes,
hustamente pasobra nan ta risibí kondena di
nan mes ambiente .
E ‘I’ll prove you wrong’ (mi ta bai mustrabo
kon herá bo ta) por ta un forsa enorme pa bo
maksimalisá loke bo por saka di bo mes”.
Esaki ta apénas un di e formanan pa mira
tabú. Segun Campbell kada artista ku ta
partisipá na e eksposishon aki e interpretá e
tema na su manera. “Algun a konfrontá e tabú
i ansiedat den nan mes.
Tur hende tin nan banda sukú. Of tin