Page 15 - WEB 3 DEC 2015

AWEMainta Diahuebs, 03 December 2015 13

MEP a laga sa cu no por corta meter di awa di ningun di 12 mil famia, cu tin debe atrasa

Fraccion di MEP a pidi un reunion publico
cu urgencia cu Minister Mike de Meza

pa atende e asunto di 12.000 famia cu no por paga nan cuenta di awa

MANERA ta conoci tin un situacion social na Aruba

basta penoso cu lamentablemente no ta hayando
atencion di Gobierno.
T’asina cu e cantidad di clientenan cu no por paga nan
cuenta di awa a crece di 4000 pa 12000 esaki ta 3 biaha!
Logicamente esaki ta confirma y ta señal cu costo di bida
a aumenta den ultimo 6 añanan como consecuencia di
tanto medida cu Gobierno di AVP a bin cun’e, creando
problemanan pa cuidadanonan por logra cumpli cu pago
di awa y coriente cu ta cay bou necesidadnan basico,
segun fraccion di MEP den un comunicado.

E ta ironico cu nos Prome Minister ta pretende cu e ta
combatiendo pobresa siendo cu tipo di noticianan aki
ta hustamente confirmando e situacion social crea dor
di Gabinete Eman. Y ta mas ironico ainda cu Mike Eman
ta declara cu e ta orguyoso di tur esaki.
E asunto aki tin fraccion di MEP hopi preocupa y
relaciona cu esaki a pidi un reunion publico cu urgencia
cu Minister Mike de Meza pa atende e asunto di 12.000
famia cu no por paga nan cuenta di awa.

Fraccion di MEP ta spera cu Presidente di Parlamento
por tuma e peticion na serio y convoca un reunion
publico mas pronto cu ta posibel.
“Nos mester busca un solucion pa Gobierno yuda e
12.000 hogarnan pa nan no corta nan awa ni e coriente,
pero pa yega na areglonan pagable cu e hendenan aki.
Nos ta exigi Gobierno pone man na su curason y haci un
gesto di solidaridad pa tur e famianan den necesidad.
E peticion p’e reunion a wordo haci diamars mainta y
mirando e caracter di urgencia, ta spera cu Presidente
di Parlamento yama e reuion aki liher”, segun MEP den
su comunicado.

#1 Online