Page 19 - WEB

Gobierno di un dia pa otro kier redobla e entradanan di e compania di recoge sushi di nos

isla, dor di a redobla tambe nan gastonan di operacion na un forma sorpendente.

Manera ta conoci, Gobierno a purba na tres ocasion caba pa pasa e ley adapta di Serlimar,

pero a faya di haya sosten mayoritario den tur e intentonan. Tin mas di un Parlamentario

den e coalicion MEP-POR-RED cu no ta di acuerdo cu e cambionan y ni den e forma di

maneha di Minister Otmar Oduber. Ta bin acerca cu henter e ley ta ilegal, pasobra un

compania Sui Generis NO por cobra un “heffing” (impuesto), sino solamente un

“Retributie” pa servicionan presta na clientenan. Den caso asina e ta bira dificil pa cobra

e cobransa via nos sistema di impuesto, cu ta haci e caminda pa yega na fondo mas largo,

complica y casi imposibel.

Riba dje varios Parlamentario, specialmente di e Fraccion di MEP den Parlamento, a pidi

pa mas documento concreto manera ta un “Business Plan” pa Serlimar y pa comparti e

cifranan di gastonan y entradanan di e compania. Lo kier mira salario y gastonan mara na

operacion. Esaki despues di indicacionnan fuerte cu lo a aumenta e gastonan

disproporcionalmente, mescos ta e cantidad di empleadonan, un flota nobo demasiado

grandi di trucknan mara na un lease di mas cu dobel e prijs di compra, un edificio cu ta

costa un dineral pa luna na huur y sin lubida un contract masha lucrativo pagando un
suma riba prijs di mercado na un compania pa dera e envirobalesnan na Ser’i Tijshi, sin

cu a pasa un destaho publico. Pa colmo e compania encuestion ta un di e patrocinadonan

principal di TOB den Carnaval! Banda di esey ta referi na gastonan halto di printing di

propaganda riba e trucknan di sushi, di cual a duna un compania e trabou, a kit’e for di

dje pa duna un otro compania masha yega na e Minister cu a propone un prijs hopi mas

halto cu esun cu a gan’e na un principio. Tur esaki ainda contando e gastonan di un