Page 31 - min soc jully 7

Relacionnan Aruba y Venezuela semper positivo

Publication: Tuesday, 7 July 2015. Categoria: General
Minister Paul Croes:

ORANJESTAD (AAN): Den un discurso masha elocuente Minister Paul Croes a felicita e
comunidad Venezolano y tambe Gobierno Venezolano riba celebracion di nan 204 aña di
independencia.
“Aruba y Venezuela tin lasonan historico, politico, comercial y economico. Lasonan cu
Gobierno di Aruba lo kier estrecha aun mas esakinan. Pa nos pais y region, estabilidad politico y
economico di nos pais bisiña ta sumamente importante”, Minister Paul Croes a mustra.
Minister Paul Croes a representa Gobierno di Aruba na ocasion di e celebracion importante aki.
Na 1811 e grito di independencia a keda proclama y asina Venezuela a bira un pais soberano.
“Republica Bolivariana di Venezuela ta un pais cu rikesanan grandi. Un pais cu un diversidad
grandi. Di playanan bunita di Margarita, como sneeuw na Merida y jungla na Amazonas.
Principalmente Venezuela tin un pueblo fuerte y trahador”, Minister Paul Croes a bisa den su
discurso.
E comunidad Venezolano a keda masha contento cu e mensahe di Gobierno di Aruba na ocasion
di celebracion di e dia di Independencia di Venezuela.
http://www.diario.aw/2015/07/relacionnan-aruba-y-venezuela-semper-positivo/