Page 57 - KPA 30 JUNE 2017

Lo bay cuminsa un biaha mas cu clean up di autonan para na
warda di Balashi y otro wardanan di polis

Thursday, 29 June 2017 21:34
Comparti

Cada rato warda na Balashi su cura ta yena cu auto. Segun cu tin di compronde tabata bezig cu un
proyecto pa deshaci di autonan of yega na un manera via Ministerio Publico drenta den contacto cu e
doñonan.
Minister di Husticia Arthur Dowers, a haci un cleanup, caminda cu a pidi tur hende cu tabata tin auto
para na Balashi, pa nan bin paga loke nan tin di paga of e auto sea lo wordo bendi of distrui. Esaki a bay
exitoso biaha pasa. Awor aki nos tey bek na e mesun punto y ta para dilanti e momento cu tin cu bay dal
un accion asina aki atrobe. E minister kier a informa comunidad cu si tin un auto para na Balashi pa
tuma contacto cu Cuerpo Policial y si bo no tin interes mas den e auto, dentro di dos si mas of menos, si
no tin reaccion, lo start cu e accion di bende e autonan aki pa hero bieu y si tin hende ta interesa pa
cumpra auto pa parts. Unico cos cu no por cumpra un auto asina, bute para riba tereno publico y no por
core bay cun’e si su papelnan no ta na ordo. Ora cu un auto wordo confisca pa polis, e ta wordo poni
eynan y tin cierto suma cu tin cu paga pa dia y claro e takelkosten y si tin proces verbaal tambe, mester
paga esakinan. Por ripara cu hopi hende no ta reacciona mas dado momento, como cu e auto su balor no
ta mucho grandi. Ley ta duna e posibilidad, cu na momento tuma e auto, si tin indicacion cu e auto su
balor ta asina abao y no lo saca e placa di e costonan, por e ora ey deshaci di e auto mesora, sea bende y
suma e costonan for di esey of por hasta si e auto tin basta balor y si e doño no bin reclame, tambe por
bende e auto, kita e costonan di polis y warda e resto di placa warda dia cu e doño reclame.
Ta hopi importante pa hende realisa cu mas largo e auto para eynan, mas costo e tin na dje, e ora menos
chens pa haya e auto of haya parti di e balor di e auto.
Di akinan, un apelacion na tur esnan cu tin nan auto para eynan, pa nan tuma contacto cu Cuerpo
Policial. Dowers no ta spera mucho reaccion pasobra ultimo biahanan tampoco no tabata tin reaccion,
como kiera e autonan ta para hopi largo y e costonan ta subi di tal forma, cu e balor di e auto ta menos cu
e costonan cu polis tin. Practicamente por bisa cu mas di mita di e autonan ey ta propiedad di husticia,
como cu nan tin mas debe cu nan tin na balor.