Page 3 - AM200912

Diasabra, 12 September 2020 AWEMainta
Ni Polis Covid a scapa
N’e momentonan aki tin mas cu
20 Polis contagia cu Covid-19
Covid no ta importa kende bo ta; e no ta discrimina. N’e
momento aki tin mas cu 20 Polis contagia, y ta afecta
trabao di Polis seriamente.
E cifra aki ta algo cu Jose Dirks, Presidente di SPA a
premira di bay subi hopi mas cu ta bin cu e trabou cu
nan ta eherce como e prome den liña como frontliners.
Ta remarca tambe riba e hecho cu a priminti Polisnan
un “frontliners toelage” cu rond mundo ta algo cu nan
ta honra, esaki a keda te na promesa.
Jose Dirksz ta opina cu si Gobierno no tin pensa di
honra e promesa aki, por lo menos e por optimalisa
e seguridad n’e Wardanan di Polis, cu te ainda algun
medida no ta na vigor, pasobra supuestamente no tin
placa cual ta haci e riesgo di contagio na demas colega-
nan mas grandi ainda. Consecuencia di e situacion aki
ta cu cada rato tin cu cera Wardanan di Polis.
Un di e wardanan seriamente afecta, t’esun na Shaba.
Cantidad ta baha, pero morto ta sigui cay
DI acuerdo cu DVG, ayera por tuma nota cu 44 perso-
na mas a recupera, tin 79 caso nobo di Covid-19 cu a wor-
do registra di cual 1 ta no-residente. Total di activonan
awor ta 1429, total di testnan haci ayera ta 354, di cual
230 test a wordo haci na laboratorio di Hospital y tin un
caso di fayecimento relata na Covid-19 ta aumenta na 18.
Palabra di condolencia na famia di e fayecidonan.
Hospital ta informa cu tin un total di 44 persona interna di
cual 12 ta den cuido intensivo y 32 ta isola riba piso general.
3
En conexion cu situacion di contagio di Covid-19 bao
di e personal di Departamento di Rijbewijs, nan di Cu-
erpo Policial a informa cu e departamento Rijbewijs lo
ta sera te proximo aviso . Esaki ta basa riba e peticion
di DVG. Cuerpo Policial ta pidi encarecidamente com-
prension n’e comunidad pa cu e situacion encuestion y
lo evalua esaki e siman venidero.
Pa locual t’e situacion di TDQ cu ta valido ainda riba
nos isla, e approach cu Polisnan ta hiba ta uno hopi mas
cauteloso cu e prome biaha, ta den un “second wave” y
como tal ta tene cuenta cu contagio ta mas halto y ta
tene nan mes na un distancia y ta atende cu mas pre-
caucion y asina evita di trece e virus aki na nan propio
hogar. Pa finalisa Jose Dirksz (SPA) ta enfatisa cu e
mensahe riba cortamento den salario ta super cla, nan
no ta acepte.
Na momento cu Gobierno bin cu e locura di corta den
salario di Polis, Polis ta “walkout”. Un yamada tambe
ta bay na comunidad pa tene un poco pasenshi cu nan
como Polis, nan tambe ta hende nan ta, ta traha opti-
malmente y cu hopi amor p’e trabou, ban purba di evita
mas brote di e virus aki. Comunidad por tuma nota di
mas persona cu ta fayece y esey ta duna un bista di cu
e sector medico no por carga cu e presion mas. Preveni
t’e solucion den e caso aki aworaki.