Page 12 - WEB

Lectornan di DIARIO sa cu AIB ta den un polemica basta fuerte actualmente cu e
posibel fraude den construccion di Hospital di Aruba. Den esaki AIB ta encarga cu e
financiamiento aki via SOGA, unda AIB ta bisti 5 petchi pareu, esta esun di Banco,
Agente, Arranger, Project Manager y esun cu ta maneha SOGA y a permiti bao di su

supervision, sobrepasa e presupuesto aki pa 150 miyon florin cu ta representa riba 60
porciento caba.

Den e caso di WEB Aruba NV, despues di 15 aña, awor diripiente AIB kier “ofrece nan

servicio” pa un prijs mas abao, manera nunca nan a yega di ofrece, contal cu nan por
haya e deal aki, mustrando un double moral y bayendo contra tur etica di ‘good
corporate governance’.

Informacion tambe cu DIARIO a ricibi ta mustra cu ta purbando via tur medio, hasta via
e mesun Banco Central di Aruba, pa tarda otorgamento di e licencia di divisas pa stanca
e finalizacion di e proyecto aki, mientras tur contractnan ta cla pa keda firma, unavez
haya e licencia aki.

E rol di Prakash Mungra di CBA, kende a keda señala den varios ocasion cu director di
AIB, ta keda cuestionabel mirando cu ainda ta enespera pa CBA otorga e licencia di
divisas aki, cual ta cumpli cu tur rekesito pa keda otorga sin mas tardanza, segun ley.

Ademas, den un afan pa yuda Randolph Ruiz, abogado Patrick Brown, a dicidi pa
cuestiona e transaccion aki y despues un biaha mas a purba di para tur negociacion
creando riesgonan grandi pero finalmente a haya su mes obliga na hala tras. E acto aki

ta bay en contra di e responsabilidad y etica di abogado Brown, como abogado di WEB,
den centro di e proceso aki.

E tardanza y boycot aki por tin consecuencia financiero serio pa e plannan inmediato di

WEB, responsabilidad financiero di incumplimento si e acuerdo aki cu ta cla pa firma y
cu pa prome biaha ta beneficioso pa WEB, keda kibra.

Awe Diaranzon lo tin reunion di Hunta di Accionista di WEB Aruba NV, unda nan lo dicidi

riba futuro di nan director financiero Randolph Ruiz.

https://www.diario.aw/2019/11/posibel-retiro-di-randolph-ruiz-for-di-web-ta-debi-na-desconfianza-y-
falta-di-capacidad/