Page 69 - MIN JUS 6 APRIL 2016

discusion cu sr. Paul Croes a trece riba 1613X, caminda cu di carambola, pasobra e cambiamento
di codigo civil aki, no ta dirigi riba cambionan fundamental den loke ta trata leynan di labor, pasobra
esey a pasa na April 2013 caba. Di carambola Paul Croes a tira un promesa di campaña riba mesa
y awor aki, el a anuncia cu tin un nota di cambio cu ainda no a yega parlamento, pero esey a tranca
henter e proceso di e cambio, e mehoracion di nos codigo civil. Entre nan tin e articulo cu PDR a
bay campaña cun’e, cu despues AVP a fia e idea aki y bay dialogo social, contento cu e ta wordo
logra, pero pa e wordo logra, e mester bin parlamento of e mester wordo trata den reunion publico y
e reunion publico aki ta wanta, netamente pa diferencia di opinion internamente, den ministerraad.
No ta husto. Entre tanto, e issue di campaña aki, promes di campaña cu sr. Croes ta bogando pe, el
a bringa pe, a hala bek atras y e cosnan a manera suavisa un rato. Hecho si ta cu sin cu e sa
indiretamente, e ta tardando netamente pa un ley wordo introduci cu ta bay beneficia netamente e
obreronan cu e mes como minister ta representa. Na final di dia ta ma si di 40% cu ta hibando
salario minimo cas, hopi di nan ta wardando pa e proteccion eynan cu ta existi na Hulanda hopi aña
caba y cu na Aruba ta presionando via di e ley existente cu mester wordo mehora, cu nan no por
paga y cu si no por paga tanto pa luna, beslag ta bin riba salario y e ora tin cu wak con ta biba. Den
concepto di PDR esaki ta inhusto. Ningun hende a nace pa biba pa paga debe. Nos no ta esclavo
moderno. Tin cu duna hendenan calidad di bida tambe y nos no a inventa e wiel. Na Hulanda nan
tin’e. Den dialogo social tur gremio a bay di acuerdo pa introduci e articulo aki. Ta haci un apelacion
na gobierno, cu si kier bin cu un nota di cambio, pa bin cun’e pa caba y/of lebomay cu e nota di
cambio, pa e ley aki wordo trata pa e clase trahado por haya proteccion cu den reino Hulandes, otro
caminda si tin y na Aruba no, parlamentario Bikker