Page 8 - AARUBA AIRLINES

Diamars ultimo tabata un momento hopi special pa Aruba ora cu Aruba Airlines a re-inaugura su ruta
entre Corsou y Aruba. Un ruta cu lo mehora e conexion pero tambe e lazonan di ruman entre e
islanan aki.

Diamars mainta despues di a realisa su “low pass” na Aeropuerto Internaciona Reina Beatrix, a
recoge un grupo di invitadonan pa aborda e prome vuelo pa Corsou abordo di un CRJ – 200
Longrange, cu ta un jet cu tin un capacidad di 50 asiento, y cual vuelo tabatin un duracion di 18

minuut.

A informa durante e ceremonia aki cu dia 30 di november awor lo inaugura e vuelo di Aruba pa
Bonaire, pa cual tambe tin hopi demanda.

Un di e invitadonan pa e prome vuelo aki tabata e bon conoci empresario local Gigi Helder di e

prestigioso empresa Fast Delivery y AGS. El a expresa su satisfaccion con e vuelo a bay, y alabes ta
felicita e team completo di Aruba Airlines. Mas ainda e tabatin palabra di elogio pa e gerencia

completo di Aruba Airlines kende a kere den e creacion di un aeroplinea pa Aruba pero tambe e
importancia di vuelonan pa islanan den Caribe. Segun Gigi Helder den henter e proyecto aki ta pais
Aruba a gana mescos cu Corsou y Boniero tambe mirando cu e vuelonan aki ta brinda un bon opcion
pa e ciudadanonan biahe entre e islanan na un bon prijs y mehorando e competencia. Pa Gigi Helder,

propietario di dos prestigioso empresa, esaki ta significa mas trabao y cual sigur lo crea mas cupo di
trabou. Fast Delivery di e forma aki lo amplia e servicio di entrega di carga entre Aruba, Boneiro y

Corsou pero e ta hacie mas optimal pa cumpli cu deseo di e clientenan.

Pa loke ta e ekipo nobo aki di Aruba Airlines, Gigi Helder tabatin palabra di elogio. “E avion ta uno
bunita, espacioso, bon manteni y loke mas ta resalta ta cu e tin aire parti di paden unda cu ta haci e
vuelo mas atractivo.”