Page 56 - MIN ECEM 23 JUNE 2017

Alonso Tromp di PDR: Nos no a bay corte sin prueba

Thursday, 22 June 2017 20:48
Comparti

Alonso Tromp di PDR a splica cu no a saca Andin afo, ta e mes a saca su mes afo. Tur loke nan a trece ta
preto riba blanco. No a bay corte sin prueba.
Tur cos cu tin, tin prueba p’e. Por imagina cu riba bo auto bo ta pone un sticker di MEP, bo ta MEP of bo
no ta MEP. Den nos cultura, ora cu bo pone un sticker riba auto, ta pasobra bo ta para su tras. Cu otro
palabra, bo a asocia bo mes cun’e. Statuto ta papia asina cu bo asocia bo mes cu un otro partido, bo ta
ingebrekke cu e statuto, bo no ta pas mas den e partido. Pero tin hopi cos mas ta bay bin.
Reaccion eyfo

Awor aki nan ta hayando hopi reaccion di parti di pueblo. Unda cu Tromp bay, tin reaccionnan positivo
na banda di e directiva nobo. Sigui, para pa principio, ta eens cu nan, ta comentarionan cu nan ta ricibi.
Nan ta cana nan caminda segun regla stipula segun statuto y tambe segun e reglanan di pais Aruba. Ta
warda kico abogado ta bay bisa. Pero e reaccion pafo tambe ta imporante pasobra loke ta importante ta
unda cu ta bay haya pueblo, cual ta dia 22 di September. E ora ey ta bay wak kico pueblo ta pensa di sr.
Bikker. Awor aki e berdad a sali afo.

Politica
Tromp semper ta traha cu plannan delanta. Nan ta bezig ainda den tur faceta. E ta depende kico ta e
resultadonan, of kico e stap di e grupo, mirando cu hues a bisa cu nan no ta asamblea y no ta e
miembronan, y ta bay haci’e conhuntamente cu e grupo.

Tin tur posibilidad habri pa join un otro grupo of bin cu un partido nobo. Pero esey no ta keda na sr.
Bikker pa dicidi esey, segun Alonso Tromp.