Page 97 - MIN ECEM 23 JUNE 2017

Spaarmento di awa ta den bo man

Thursday, 22 June 2017 20:52
Comparti

Durante e conferencia di WEB a atende tambe cu e preguntanan di prensa. A bin e pregunta riba e forma
di siña hende spaar y gasta menos. Na Aruba nos tin un luho segun Luis Oduber y ta malgasta awa.
Hopi hende por baha nan consumo di awa entre otro. E mes a haci cambionan na u cas y a pasa e prueba
bahando 30%. Mester concientisa nos muchanan y nos mes, cu e awa ta costoso pero por uza esaki
corectamente tambe. E spaarmento ta den bo man segun Luis Oduber.
Algun aña pasa tabata tin e programa di “Hunto nos ta Spaar”. For di 2014 a cuminsa cu programa pa
scolnan caminda cu WEB ta suministra material, educando e hobennan riba e proceso di awa y cuanto
trabao ta pa produci’e. Asina, via e hobennan, trece e concientisacion na cas tambe. Tambe tin e pop up
news cu a cumisna aña pasa cun’e y kier yega na e comunidad, e consumidor, pa nan compronde e balor.

Tin un grupo na Aruba, caminda cu tin awa di calidad asina halto y e ta wordo desperdicia. Si cada hende
pone un di e pressure regulator pa reduci consumo, papiando di experiencia personal.

Manera cu a wordo indica caba, e director a baha su consumo 30% door di haci uzo di e sistema aki,
tanto na cramchi y douche. Tambe na WC el a haci cambio. Esaki a duna resultado y e unico conseho cu e
tin na pueblo ta, pa purba di haci’e. Kisas bo no por haci tur cos den un solo shot. Si tur luna por cuminsa
cu un y concientisa, tanto e muchanan como nos mes, cu e awa ta costoso berdad, pero pa locual ta nos
consumo personal ta minimal y gran parti ta wordo uza pa douche, flush WC, haci cas limpi, etc. y muha
mata. Uz’e conciente, e director a bisa.

WEB tin cierto barionan ta haya presion halto y tin cierto barionan ta keda cu presion abao. Tin pa yuda
esnan cu ta di presion abao pa nan por gosa di e awa tambe. Consecuentemente ta haya kisas otro banda
e presion ta subi. E control ta den bo man y WEB tin cu suministra tur cliente cu awa y ta pone
instalacion y inversionnan pa yega na cada cliente. Esey ta haci cu e presion tin biaha ta subi y e consumo
ta subi. Miho cos ta, cera e kramchi y uze tiki. No haci kramchi full. Ora skeiro djente, habri’e y despues
cere bek. Ora di feita tambe ta un bon ehempel.