Page 14 - DIGICEL

Mantene bibo
Henriquez a splica cu e ultimo añanan no tin duda. Por corda cu e festival aki a crece
inmensamente. El a bira un festival exitoso. Semper na ultimo momento toch e ora di
inscripcion, ta haya suficiente persona cu ta bin inscribi y e exito ta cu semper pueblo a sa
di tey pa e festival aki y tambe Henriquez a gradici e sponsornan y tambe na Setar cu a sa
di contribui na e festival.

Comision di Tumba
Robert Jeando’r ta representante di e comision di Tumba. Tumba ta existi for di 1971 y e
musico a expresa di ta contento di ta formando parti di esaki. E asociacion di musico
semper tey para tras di e musiconan y e comision tambe semper ta contento cu e
musiconan cu ta acudi na e festival di tumba, cu keto bay tey y ta contento con e ta sigui
maneha den e sistema cu e ta bayendo y e manera cu e ta creciendo aña pa aña. Tumba ta
forma parti di carnaval, mescos cu tur otro musica manera Calypso y e ta algo di celebra
semper cu ta sigui mantene e tumba na bida, pasobra e tumba ta parti di e carnaval. E tey
keto bay pa hopi mas aña. Cada aña e tin su hendenan cu ta wordo homenahea. Cada aña
e tin su partinan hasta humoristico, cual a puntra si lo bay tin algo special cu esey, di cual
Jeando’r a contesta cu ta keda na e artistanan cu ta bin den festival di tumba.
Ta contento cu tin e oportunidad aki pa trece palabranan padilanti y invita pueblo di
Aruba en general pa dia 20 di Januari. E festival di tumba aki lo tey un biaha mas pa
henter Aruba. Ta spera un y tur den Entertainment Center. Acudi y bin celebra e di 47
aña di tumba.

Miho 20 cu 100
Segun Jeando’r, miho tin 20 participante, cu tin 100 y tin problema cu tumba henter
anochi y e no kier esey. Kier 20 participante, 20 bon tumba. Esey ta loke e kier.