Page 9 - MIN VOS DEC 23,2015

Ambulance ta cla pa e dianan di pasco

on: December 22, 2015In: LocalNo Comments
Print Email

Por wak cu e luna aki ya ta basta ocupa pa servicio di ambulance pa cual pa e dianan di fiesta di
pasco a traha un plan di accion pa cualkier caso di emergencia segun hefe y coordinador di
departamento di ambulance di InSam, Liberato Hoek.
Pa dianan di fiesta y cambio di aña, servicio di ambulance IMsan, lo ta prepara pa duna cuido
medico profesional na momento di cualkier incidente of accidente. Nan lo tin tres ambulance den
cada warda, na e tres postnan cu ta situa na Imsan, Wayaca y Sasaki. Ta pidi cooperacion di
publico pa duna personal di ambulance, na momento di cualkier incidente, vooral accidente,
espacio pa nan por haci nan trabao profesionalmente. Ora cu nan mira un ambulance riba
caminda cu zwaailicht y sirena, pa duna esaki voorang y caminda liber pa e por yega su destino.
Kisas por ta un famia di bo mes, por ta esun cu a den ambulance, of tin mester di e cuido medico.
Tambe ta sugerí na un y tur cu lo bay usa caminda, pa bisti nan seatbelt, y percura pa e
muchanan chikito ta den childseat. Si bo ta bay bebe alcohol, percura pa un hende stuur pabo. Na
momento cu bo a bao di infuencia, e reaccion ta hopi mas slow. Personanan cu ta sufri di un of
otro malesa cronico, manera diabetes of presion halto, pa ta atento cu locual cu nan ta come y
tuma nan medicamentonan manera mester ta. Tambe pa tur hene cu ta manehando auto, pa ta
cauteloso cu mandamento di text message.
Pa loke ta alimento, Hoek a splica cu departamento di volksgezondheid a duna hopi sugestion
riba esaki, pa na momento cu ta haci cuminda, pa prepar’e hopi bon. Tambe si bo ta bay ward’e,
haci’e na un temperatura adecuado. Cierto momento e por hacibo malo. Manera si tin hende cu ta
alergisch of tin presion halto cu ta bay come vooral ham, cu ta algo cu por ta hopi salo, cu tur e
consecuencia cu e presion ta subi. Tambe e diabeticonan cu normalmente mester come modera,
hopi biaha ta haya cu nan ta bay come dimas y cosnan vooral cu tin sucu.
Sin tin dia di fiesta, ya ambulance ta man yen. Segun Liberato Hoek, for di cuminsamento di
December, practicamente tur weekend ta haya hopi caso di accidente. Weekend pasa tabata tin
algun accidente y hopi di nan ta relaciona cu hendenan bao di influencia di alcohol. Esun di mas
importante, ta manera menciona, bisti e seatbelt. Na momento cu dal un auto, e curpa tambe ta