Page 17 - ARUBA BANK

pasobra awor Banco a keda exonera riba e servicionan aki.
Cada Banco tin e deber di splica na su clientela kico exactamente nan ta cobra pa cada
servicio.
Pueblo desde awor por ta trankil cu riba e servicionan ariba menciona no lo wordo cobra
adicionalmente e parti cu lo mester a toca na Gobierno, segun Endy Croes (MEP).

Pa kita tur duda nos no ta papia di transaction tax manera nos opositornan kier a pretende
ultimo dianan den prensa pa desequilibra pueblo.
Alcontrario AVP si tabatin den su plan pa bin cu un Transaction Tax unda riba cada
transaccion cu bo haci sin importa cual transaccion nan lo a cobra pueblo.
Esaki tabata den nan plan pa yega na fondo pa paga e proyectonan PPP. Esaki sigur lo a
crea un desaster riba desaster.

Pa ilustra esaki MEP ta publica parti di e Memorie van Toelichting den e Ley di
Presupuesto 2015 di AVP firma pa the man himself cu a destrui Aruba, esta Mike Eman.
Esaki ta pa mustra pueblo cu politiconan di AVP no ta sincero.
Awe nan kier “twist” palabra y actonan di e gobernacion aki siendo nan tabatin un Plan
Macabro pa caba cu e comunidad aki y haci cada ciudadano 100% dependiente di un
Minister y/of un Gobierno.

COBRA NA UN
SOLO PUNTO
Locual ta trata seguro tambe tabata asina cu e broker lo mester a cuminsa cobra e taxnan
y e compania madre tambe lo a cobr’e un biaha mas.
Den mesun decreto ministerial a percura pa exonera esaki y tur tax lo wordo cobra
solamente na un punto y pues un solo biaha y sigur no na dos punto.
Gobierno aunke a hereda un “monster” di un Mega Debe y un “Desaster Financiero” ta
haciendo lo maximo posibel pa pasa den e momentonan di mas dificil den historia di nos
pais Aruba sin mester causa e pueblo tanto dolor.

Den tur e disturbio torencial aki causa pa Mike Eman y AVP, kendenan a grita cu nan ta
orguyoso di e debe y e debe t’ey pa nos tur bay pag’e, Minister Presidente actual y henter
un Team ta trahando fuertemente riba un modelo di un sistema di belasting mas husto cu
miras pa logra esaki na inicio di 2019 p’asina mitiga e dolor cu Mike Eman y AVP a
causa na nos pais. Cu Fe y speransa nos lo percura pa saca Aruba for di e abismo aki,
Endy Croes ta termina bisando.