Page 55 - min.jus sept 2,2015

A4

LOCALDiaranson 2 September

Diferencia di opinion entre Eman y Bermudez?
Supervision ta permanente si of no?

Den e ultimo dianan di e tratamento di e ley di CAFT den Parlamento por a scu-
cha of lesa un diferencia remarcabel y interesante entre e discurso di Prome Ministro
Eman y esun di Ministro di Financia Bermudez. Prome Ministro ta insisti cu e ley
ta algo temporal, cu ta bay t’ey te ora Aruba tin un presupuesto balansa, y cu despues
gobierno di Aruba por dal bay cu nan propio Begrotingskamer.
Tur esaki sin bisa kico e papel di Reino den e Begrotingskamer lo ta. Di su banda,
ministro Bermudez a declara na prensa cu en berdad e ley ta algo temporal, cu ta bay
ta vigente te ora Aruba tin un presupuesto balansa, pero cu e supervision mester ta
algo permanente. E texto literal manera diferente medio di comunicacion a haye pa
publica, ta: “E mandatario di Financia, ta confirma cu en berdad e ley di CAFT ta
temporal, pues lo keda na vigor te ora Aruba su presupuesto no tin deficit mas. Asina
cu Aruba su presupuesto ta uno balansa e colegio CAFT lo wordo reemplasa cu un
‘Fiscal Council’, pues e ley ta temporal pero e supervision mester ta permanente.”
Y e ultimo observacion aki di ministro Bermudez ta completamente corecto, pasobra
ta esey ta para den e Protocol di 2 di mei 2015, cu mas di un biaha tabata obheto di
atencion den e editorial aki. Ta trata di supervision permanente tambe despues di
2018, ora e ley CAFT caduca, si pa e tempo ey lo tin un presupuesto balansa.
Den e caso aki por constata cu esun cu ta papia mas cerca di e berdad ta e ministro
di Financia. E ta sigui den su discurso e sentido di e protocol cu ta papia di establece
supervision independiente permanente den legislacion di nos pais y ta papia di e meta
pa yega na un debe di menos di 40% di GDP, na cual nos lo por yega talbes na aña
2030.
E diferencia di opinion aki lo molestia nos Prome Ministro? Probablemente no, paso-
bra e tin otro meta cu su ‘vakminister’: e mester por gana voto cu su ponencia y si den
esey e no ta tuma berdad tanto na serio, lo no ta un consideracion importante.
Ora yega e momento pa bay establece den ley e “Fiscal Council” of “Begrotingska-
mer” manera Prome Ministro Eman ta yame, e asunto clave lo ta cu esaki no por ta
un organismo di puro conseho, y cu ta depende financieramente y pa loke ta personal
di e gobierno di turno, cu otro palabra “un watchdog sin djente”. Sin duda algun, esey
lo ta loke gobierno lo desea, pero mirando e forma con gobierno di Reino ta atendiendo
e asunto, esey no lo sucede.
Pa e ta berdaderamente un organo di supervision independiente, mester por conta cu
nombramento di e miembronan di e organismo, cu un mayoria pa esunnan cu no ta
apunta pa gobierno di Aruba. Esey lo ta bay ta e caso tambe pasobra den e protocol a
keda palabra tambe cu ta conhuntamente (Hulanda y Aruba) lo bay traha riba con
pa garantisa e supervision independiente. Esey lo nifica cu e composicion di e CAFT
actual, cu un mayoria clave di parti di Reino y Hulanda, y cu tin tambe den e CFT di
Curaçao y St. Maarten, lo ta e forma con pa garantisa independencia for di gobierno
di Aruba. Y ora e Colegio of Begrotingskamer duna su conseho, por ehemplo pa tuma
paso contra gobierno di Aruba, mester tin un instancia superior cu por y ta dicidi di
haci algo cu e conseho. E nivel superior ey necesariamente ta e nivel di Reino.
Nos por bay spera un bataya duro ainda entre gobierno di Reino y esun actual di Aru-
ba pa loke ta e detayenan di e ley pa establece e “Fiscal Council” of Begrotingskamer
na 2018, si nos ta asina leu cu saneamento financiero pa e tempo ey. Si no, claramente
henter e asunto lo bay bira e asunto di e gobierno cu lo ta na mando despues di eleccion
di 2017.
Di otro banda, mester tene cuenta cu si keda surgi problema y discordia den e imple-
mentacion di e ley di CAFT, keto bay ta keda e opcion pa Reino pa interveni via un
medida di Reino. Mirando e rekmento di tempo y e trabanan crea prome cu a yega
na presenta y aproba e ley siman pasa, no lo ta nada straño si na caminda surgi mas
problema entre actual gobierno di Aruba y gobierno di Hulanda (y di Reino).