Page 4 - download
P. 4
4|Diabierna, 8 di April 2022
Polis a detene un sospechoso relaciona cu e
asalto na e Joyeria di Colombian Emeralds
Despues di e asalto riba e joyeria,
Colombian Emeralds na Marriott Ho-
tel, Polis mesora a mobilisa varios uni-
dad den e area di Noord y becindario,
cu nan a mira un persona conoci di
nan spanta y core drenta den e cas na
Kamay. E sospechoso a wordo aresta
pa mas investigacion y transporta pa
Warda di Polis na Shaba.
Tabata ayera diahuebs den careda di
11 or y 45 di mainta, trahadornan di
e Joyeria Colombian Emeralds a bati
alarma despues cu nan a wordo asalta
pa un persona masculino. Un homber
papiando Papiamento, a drenta den e
joyeria y a bay cu un cantidad desco-
noci di diamante y prendanan di oro.
Despues e lo a subi un auto Toyota
poco bieu aparentemente un Tercel of
Yaris, color blanco cu bruin y a bando-
na e sitio cu e botin.
Varios unidad di Polis ta buscando den
e area di Noord p’e auto cu e asaltante
aki den dje. Aparentemente e lo taba-
ta bisti cu un capuchon cora cu preto
y un short preto. Recherche di Atraco
Team y tambe Departamento Tecnico
a wordo pidi n’e sitio, Polisnan a busca
y controla diferente vehiculo cu tabata
cuadra cu e descripcion duna.
