Page 52 - DVG

ORANJESTAD (AAN): Roderick Croes Director di Douane a duna di conoce cu en
conexion cu e situacion actual di e Coronavirus ( COVID-19), medidadan di precaucion
y prevencion lo ser tuma na Departamento di Aduana.

E precaucion tuma y e limitacion di servicio cu un capacidad minimo na dicho
departamento lo inicia entrante 16 di maart venidero y lo dura te cu 31 maart proximo.

Aki ta sigui e siguiente informacion cu ta di sumo importancia:

Seccion Stad/ Vrijmaking, seccion Aeropuerto/Cargo y seccion di Waf:

– E declaracion nan di Aduana di carga frieu y di prome necesidad, tambe carga vital

destina pa por ehempel Hospital, WEB etc, lo wordo procesa via di e sistema, Despues
cu esaki wordo procesa e broker lo haya un aviso con e entrega di e carga lo tuma
lugar;

– E declaracion di tur otro carga lo wordo procesa ora e situacion normalisa;

servicio di containers na containerpoort lo ta for di 7.30 or pa 12 or di merdia y na
Vrije-zone for di 8 or pa 12or di merdia.

Lo evalua carga cu tin urgencia:

Segun Croes, ta bay ta dunando prioridad na cuminda, remedi, hand sanitizers,

productonan cu tin mester aworaki.

El a bisa cu na aeropuerto, mirando cu tin menos vuelo, ta trahando cu menos hende,
partiendo e ploegnan.

Pa locual ta e waf tambe ta purba di traha menos y duna mas servicio y a adapta e
orario pa ora cu tin mester. Conhuntamente cu ASTEC y AAA NV y tur otro stakeholder
lo purba di haci e trabao segun e instruccionnan cu gobierno a duna pa asina por evita

Coronavirus sigui plama na Aruba, Roderick Croes a señala.