Page 33 - KPA

Homber kier a viola dos dama Venezolano na
Barcadera

Date: February 07, 2016
in: Local

Diasabra mainta trempan patruya ta bay aeropuerto pa un caso aparentemente di violacion.
Na yegada patruya ta topa dos dama procedente di Venezuela. Mes ora nan a conta polis cu banda
di 2:30 di marduga nan a bay El Gran Flamboyan situa pabou di warda di polis, un luga frecuenta pa
mas tanto persona nan procedente di Santo Domingo.
Eynan 5 homber dominicano a cuminsa ta basila nan. Pero e hombernan a lo a cuminsa haci
bastante fastioso. E dama nan segun nan version a bandona e sitio direccion Plaza Daniel Leo.
Un auto a para pa nan eynan y lo a ofrece nan un lift, e dama nan a pensa cu nan lo wordo hiba nan
cas. Esaki no tabata e caso, paso e homber a tumarumbo pa Barcadera.
Altura di e luga di Caterpilar e homber a para e auto y aki nan ta caminda e dos damanan a logra
bringa cu e homber y scapa di dje. Den un mondi eybanda nan a keda scondi te den ora nan di
mainta, momento cu un auto tabata pasando y nan pare y splica kiko a pasa.
E chauffeur di e auto a baha na aeropuerto serca e securitynan y eski na su turno a avisa polis.
Recherche a ser poni na altura di e caso aki. No ta wordo papia ki nacionalidad e homber tin.

http://boletinextra.com/homber-kier-a-viola-dos-dama-venezolano-na-barcadera/