Page 21 - DIGICEL

24 AWEMainta Diabierna, 14 Juli 2017

Despues di exito rotundo na Hulanda

Show di tributo na Tina Turner awor na Aruba

NURLAILA Karim ta duna tributo n’e legendario di rock Tina
Turner. Despues di un tour exitoso na Hulanda unda e show
wordo presenta den 54 teatro, e show “Fourtina” lo wordo pre-
senta awor na Aruba den Cas di Cultura y na Fusion den Alham-
bra Mall. “Mi no por bisa otro di ta orguyoso riba nos tremendo
team! Tanto reseña y reaccion positivo, 54 show na Hulanda y
awor Aruba! Cada biaha e ta show ta bira un fiesta den e teatro!”,
Nurlaila ta conta.

Den “Fourtina” Nurlaila ta canta e repertorio imprecionante di
Tina Turner. E show ta un experiencia teatral inolvidabel yen di
energia, pasion, rock, blues y un show di luz spectacular.
Nurlaila ta wordo acompaña pa su backing vocals Jasper Taconis,
Nicky van der Kuyp y un banda poderoso.

Nurlaila ta sin duda un di Hulanda su cantantenan mas multifac-
etico. Cu rolnan principal den musicalnan manera “Miss Saigon”,
“Les Misérables”, “The Wiz”, “RENT” y “The Bodyguard” el a
sa di marca su nomber pa semper den e industria teatral y entre-
tenimento den nos tera patria.
Pa laga soñonan bira realidad ta locual ta inspira Nurlaila, esaki
a conduci na e grabacion di un CD cu propio composicion riba
melodianan universal di cancionnan mucha cu ta yama “Chame-
leon”. E CD a resulta di trece pa dilanti un sonido unico y madura.
Despues el a aparece di nobo den e popular musical “Sister Act”
den Circustheater na Scheveningen unda e tabata hunga e rol
principal di Dolores van Cartier dos biaha pa siman.

Riba YouYube por haya previews di ‘Fourtina’. E show aki ta
forma parti di ‘The Road to the Caribbean Sea Jazz Festival’. E
show na Cas di Cultura ta diaranson 16 di augustus pa 8:00pm,
mientras cu e show na Fusion ta un ‘dinner and wine pairing’
show riba dia 18 di augustus cu ta cuminsa 7:00pm.
Tickets ta obtenibel na Cas di Cultura, Fusion restaurant, Casibari
Café y Superfood Plaza.