Page 28 - AAA
P. 28
zipcode eynan ta yena 99888, y eynan ta bay haya Aruba. Via e sistema aki por
haya mensahe di polis, brandweer, Rampenbureau y Volksgezondheid. Hopi
biaha Aruba no ta custumbra di haya mensahe di Volksgezondheid, unda cu por
ehempel ta manda broadcast cu tin un brote di epidemia.
Pa loke ta e sistema di SMS, Sr. Hermans a splica cu nan ta confrontando
problemanna technico, Meteo hunto cu Rampenbureau ta yegando na un
solucion. WMO (World Meteorogical Organisation) su tecniconan ta yudando
Meteo den esaki y nan techniconan lo yega Aruba pa prepara.
Nan meta tabata pa reactiva e sistema di SMS pa dia 1 di Juni, pero pa
motibonan di tercera, di parti di pafo, no a haal e deadline di 1 di Juni. Pero
kisas durante e temporada aki di horcan, e lo keda activa un biaha mas cu SMS
y email lo wordo uza, segun Sr. Hermans.
Tin custumber na Aruba, ora cu e pueblo ta wordo alerta, no ta alarma e
pueblo. Alerta kiermen cu tin un sistema cu por influencia Aruba. Esey kiermen
keda pendiente pa noticianan, siguinan di cerca, te ora cu bati alarma. Ora di
bati alarma, e ora ta Comision di Calamidad ta acerca Prome Minister pa e por
alarma e comunidad.
Dus tanten cu e Prome Minister no bay over na un rueda di prensa, y alarma e
pueblo, esey kiermen cu Aruba ta keda den estado di alerta. Esey kiermen, wak
bo cas, wak si e jug ta sushi, laba esaki, check e stock di cuminda pa tres dia,
te ora cu bay over na fase di alarma. Dus e dos fasenan ey mester wordo defini.
Alerta ta pa keda pendiente, y alarma esey ta keda na Prome Minister.
Rampenbureau ta conseha Prome Minister pa bati alarma y segun Sr. Hermans,
e ora ey si cada famia nan plan mester funciona.
