Page 6 - AHATA

PAGINA 8 DIARIO DIARANZON 7 SEPTEMBER 2022
AHATA y ASD a haci

donacion na studiantenan

di EPI HORECA

ORANJESTAD (AAN): Cu e inicio di e aña escolar
nobo, Aruba Hotel & Tourism Association (AHATA)
a haci un donacion di 52 set di cuchiu di e marca
profesional Hendi na e studiantenan ‘eerstejaar‘ di
EPI HORECA den e programa culinario di Empleo
Inmediato (IE).
Den colaboracion cu ASD, Sra. Tisa LaSorte,
Presidente y CEO di AHATA a haci e donacion
durante un ceremonia special den presencia di
alumnonan y facultad di EPI.
Como un organisacion di dunador di trabao
cu ta traha pa e sostenibilidad di Aruba su turismo y
economia, AHATA ta traha continuamente pa sostene
e sector di enseñansa y yuda inspira studiantenan pa
drenta empleo di industria di HORECA.
E decision pa haci un donacion a bin despues
di un bishita di e CEO cu Chef y Unit Manager di e
sector di HORECA na EPI, pa discuti e formanan cu
AHATA por apoya e studiantenan den e programa
di IE. AHATA ta sigui den conbersacion cu sector
di enseñansa pa asina por yuda sera e ‘gap’ entre
educacion y e mercado laboral cu diferente
iniciativa.
ASD a participa cu AHATA den sponsorship
di e donacion di cuchiu Hendi, como un socio
importante den sector di HORECA.