Page 9 - WEB

Sr. Eman ta sigui bisa cu fuel ta un producto super strategico pa Aruba. Si no
tin fuel avionnan no ta bula, WEB no ta huma y auto no ta core.

Pa loke ta trata e hedging di WEB, esaki no tin nada di haber cu RDA, y
tampoco cu petroleo. E ta un transaccion di banco, ta simplemente un calculo
financiero. Hedging mas bien no tin nada di haber cu baha prijs, e ta mas bien
cu stabilisa prijs. Ta dos cos diferente. Pa Sr. Eman, e hedging ta algo
innecesario, pasobra ora cu fuel ta subi, WEB su prijs ta subi, ora cu e baha,
WEB su prijsta baha. Mas bien pueblo ta e hedge di WEB. Full e hedging mester
check cu WEB pa wak con nan ta haci’e.

Ultimo Minister Presidente a duna un permiso pa un hedging pa tres luna mas,
pa motibo di un tijdlimiet poco perta y pa no bruha e cosnan, a bay di acuerdo
cun’e. Ademas di cu e hedging a costa Aruba masha hopi placa, esaki mester
wordo seriamente atendi cun’e, y ta cosnan cu no mester ripiti nunca mas,
segun Sr. Richard Eman, di e Hunta di Comisario di Refineria di Aruba, RDA.