Page 25 - MIN JUS

E autornan di e noticia aki, no sa kico ta bebe y come ora di otorga un pasaporte Hulandes na Aruba. Pa colmo Ady Thijsen, abogado, conocedor di ley, a
cay den e trampa aki y a cuminsa haci politica cu e informacion aki, siendo e mester sa mihor.

Despues cu Hulanda a constata cierto iregularidad cu proceso di naturalisacion na Aruba, durante Gobierno di MEP, a dicidi di saca asunto di dunamento di
pasaporte for di Aruba y a pas’e pa Gobernador.

Ley di Reino ta ordená y prescribí cu tur ámbtenaar cu den cuadro di su trabou tuma nota di declaracionnan sea falso, engañoso of scondemento di cualkier
hecho relevante cu a conduci cu un stranhero a haña nacionalidad Hulandes, mester aportá esaki inmediatamente.

Ley ta prescribí tambe cu e Minister di Reino conserní por revocá/kita e nacionalidad Hulandes for di un persona cu a obtené esaki a base di engaño.

E Minister den esaki ta tene cuenta cu e grado y gravedad di e engaño o falsificacion, posibel situacion cu un hende ta keda sin nacionalidad como tambe
tempo cu a transcurí for di momento cu el a obtené e nacionalidad Hulandes.

T’asina tambe cu tabatin casonan den Corte di Husticia caminda Huez a didta cu si un iregularidad of ilegalidad a conduci cu un hende a haña nacionalidad
Hulandes, pasobra e ‘gesto’ ta bira ilegal.

Wèl e peticionario mester sa lesa Hulandes y p’esey mester ta obligacion pa ora un hende pidi pa haña nacionalidad Hulandes, e mester por papia e idioma.

Tin hasta alternativa caminda tin cu haci investigacion adicional pa un stranhero renobá su pasaporte Hulandes.

T’asina cu Reino, a base di cierto experencia specífico, for di 2008 a bin ta instruí pa dedica atencion special y a laga e competencia aki na Gobernador
prome d imanda e peticion pa Minister di Asunto Interno y di Relacion di Reino, pa otorga un pasaporte Hulandes.

Pesey nos ta kere cu loke cu keda publica ayera, ta puro storia cu masha malicia. Ademas na Aruba, Imigracion tin un sistema di Radex, cu ta detecta
inmediatamente ora un pasaporte ta falsifica.