Page 67 - FDLP

Y e biaha aki, e revista cu sede na Boston, esta “The Atlantic” a confirma cu durante
henter 2019 tabatin hopi noticia y potret cu tabata hopi tristo, y dificil pa mira y lesa.

Pero e revista a dicidi na escoge e potretnan mas alentador di e aña aki, pa asina busca

y reconoce algun di e gozo abundante y bon gesto cu ta keto bay visible den e mundo
rond di nos.

Nan a escoge e Top 28 potret cu ta cuadra cu e vision aki. Y na puesto #2 a pone e

potret saca e aña aki durante e competencianan internacional di atletismo teni na
Khalifa International Stadium na Doha (Qatar) na September cu a pasa, ora cu e atleta
Jonathan Busby di Aruba a confronta dificultad, y el a haya yudanza di e atleta Braima
Suncar Dabo di Guinea-Bissau.

Manera ta conoci, e dos atletanan aki despues a haya premio di Fair Play Award
durante e IAAF World Athletics awards ceremony.

https://www.diario.aw/2019/12/revista-the-atlantic-a-escoge-potret-di-atleta-arubano-na-puesto-2-di-
hopeful-images-2019/