Page 4 - Awemainta16Jan2016

4 AWEMainta Diasabra, 16 Januari 2016

Atrobe

Habitantenan
a entrega
obheccion
contra
molinanan

na Urirama

HABITANTENAN y otro persona den becindad di Urirama a bolbe nan obheccion contra di instala-

cion di molinanan di biento na Urirama.

Gobierno a bolbe emiti un “hinderverordening”
pa cu construccion di un parke di molina di biento,

pero e biaha aki cu otro specificacion.

Ningun tempo, Gobierno a pensa di deshaci di e idea pa bin cu e parke di molina aki y a sigui traha riba
esaki, pero cu awor dicho parke lo genera 3.3 Megawatt di coriente.

Minister di Husticia, mr. drs. Arthur Dowers, te cu awe no a reacciona riba e obheccion haci, pero lo
ta warda riba citacion di parti di Comision di Obheccion di LAR pa un “hoorzitting”.

T’asina cu tabata dia 19 di october ultimo, cu Gobierno a emiti un “hindervergunning” nobo.
E habitantenan den becindad di Urirama y otronan cu na fin di luna di november a
bolbe entrega nan ohheccion cu construccion di un parke di molina.

Pa ley, Minister tin como 13 siman pa reacciona
riba e obheccion haci, loke nifica cu pa fin di
februari awor lo por haya reaccion.

Un di e motibonan cu habitantenan di Urirama y becindario no kier dicho parke,
ta pasobra e ta trece hopi risico pa nan salud. Maske cu e por ta bon, y rendabel pa
cu energia, maske cu awor prijs di crudo ta abao, asina mes e habitantenan no kier
dicho parke di molina.
E hecho cu no por construe e parke aki banda di esun na Vader Piet, ta pasobra no
tin mas tereno pa expansion.

Fin di aña, Parke di Vader Piet a produci basta coriente pa WEB, debi n’e constante
biento cu tabatin te awor ta pensa pa construi un localidad na WEB mes pa warda e
energia produci.